బన్నీ బాక్సాఫీస్ దాడి.. బ్రేకుల్లేవ్!! 'అల.. వైకుంఠపురములో' 8 డేస్ కలెక్షన్స్

భారీ రేంజ్‌లో విడుదల.. పాజిటివ్ వైబ్స్

అల వైకుంఠపురములో సినిమా విడుదలకు ముందే పాజిటివ్ వైబ్స్ నెలకొన్నాయి. థమన్ బాణీలు, ఇచ్చిన అప్‌డేట్స్ ఈ సినిమాపై అంచనాలు పెంచేశాయి. త్రివిక్రమ్ స్టైల్ ఆఫ్ మేకింగ్, చాలా రోజుల తరువాత అల్లు అర్జున్ సినిమా వస్తుండటం, టీజర్, ట్రైలర్ అన్నీ వర్కౌట్ అయి భారీ రేంజ్‌లో ఈ సినిమా విడుదలైంది.

బాక్సాఫీస్ దాడి.. సంక్రాంతి అడ్వాంటేజ్

అలా విడుదలైందో లేదో.. భారీ కలెక్షన్స్ సాధిస్తూ నాన్ బాహుబలి రికార్డులను తిరగరాస్తున్న 'అల వైకుంఠపురములో' సినిమాకు సంక్రాంతి సెలవులు బాగా అడ్వాంటేజ్ అయ్యాయి. థియేటర్లకు ప్రేక్షకులను రప్పించి సంక్రాంతి విన్నర్‌గా నిలిచింది ఈ మూవీ. అలా సక్సెస్‌ఫుల్ ఫస్ట్ వీక్ పూర్తిచేసిన బన్నీ.. సెకండ్ వీక్ కూడా అదే రేంజ్‌లో స్టార్ట్ చేసేశాడు.

ఆదివారం సెలవు.. 8వ రోజు ఏకంగా

నిన్న (జనవరి 19) ఆదివారం సెలవు కావడంతో అల వైకుంఠపురములో దీన్ని క్యాష్ చేసుకుంది. తెలుగు రాష్ట్రాల్లో మొదటి వారమే 84 కోట్ల షేర్ సాధించిన అల వైకుంఠపురములో మూవీ 8వ రోజు ఏకంగా 7.8 కోట్ల షేర్ సాధించి 92 కోట్ల మార్క్ చేరుకుంది.

అల వైకుంఠపురములో 8 డేస్ ఏరియావైజ్ రిపోర్ట్

నైజాంలో 29.87 కోట్లు, సీడెడ్ 13.61 కోట్లు, గుంటూరు 8.83 కోట్లు, ఉత్తరాంధ్ర 13.85 కోట్లు, తూర్పు గోదావరి 8.26 కోట్లు, పశ్చిమ గోదావరి 6.39 కోట్లు, కృష్ణ 8.47 కోట్లు, నెల్లూరు 3.45 కోట్లు.. మొత్తంగా చూస్తే రెండు తెలుగు రాష్ట్రాలు కలిపి 92.73 కోట్లు రాబట్టింది అల వైకుంఠపురములో మూవీ.

అల్లు అర్జున్ కెరీర్ లోనే హయ్యస్ట్ గ్రాసర్‌

త్రివిక్రమ్ శ్రీనివాస్ దర్శకత్వంలో రూపొందిన 'అల.. వైకుంఠపురములో' అల్లు అర్జున్ సరసన పూజ హెగ్డే నటించింది. చిత్రంలో సుశాంత్, నివేతా పేతురాజ్, మురళి శర్మ, జయరాం, సచిన్, టబు కీలక పాత్రలు పోషించారు. అల్లు అర్జున్ కెరీర్ లోనే హయ్యస్ట్ గ్రాసర్‌గా ఈ సినిమా దూసుకుపోతుండటం విశేషం.