'అల.. వైకుంఠపురములో' డే 4 కలెక్షన్స్: స్పీడు పెంచిన పందెం కోడి.. సంక్రాంతి అల్లుళ్లంతా అక్కడే!

సంక్రాంతి అల్లుళ్లందరిదీ అదే బాట.. ఒకటే మాట

మొదటి రోజే తెలుగు రాష్ట్రాల ప్రేక్షకులను కనువిందు చేసిన 'అల.. వైకుంఠపురములో' సినిమా 25.56 కోట్ల షేర్ రాబట్టి సక్సెస్ అయింది. ఆ తర్వాత అదే ఫామ్ కంటిన్యూ చేస్తూ రెండో రోజు, మూడో రోజు సత్తా చాటింది. ఇక నాలుగో రోజుకు వచ్చేసరికి మరింత పుంజుకొని సంక్రాంతి అల్లుళ్లందరినీ థియేటర్స్‌కి రప్పించుకుంది.

'అల.. వైకుంఠపురములో' నాలుగో రోజు.. తెలుగు రాష్ట్రాల్లో

సక్సెస్‌ఫుల్‌గా రన్ అవుతున్న 'అల.. వైకుంఠపురములో' సినిమా నాలుగో రోజు తెలుగు రాష్ట్రాల్లో 9.5 నుంచి 12 కోట్లు రాబట్టినట్లు రిపోర్ట్స్ అందాయి. అంటే మూడో రోజుతో పోల్చితే ఇంకా మెరుగైన వసూళ్లే వచ్చాయని అర్థమవుతోంది. రోజు రోజుకూ పాజిటివ్ టాక్ పెరుగుతుండటం ఈ సినిమాకు బాగా కలిసొస్తుంది.

వరల్డ్‌వైడ్ ఫోర్త్ డే రిపోర్ట్

తెలుగు రాష్ట్రాలతో పాటు దేశంలోని ఇతర రాష్ట్రాలు, ఓవర్సీస్ మార్కెట్‌లో ‘అల.. వైకుంఠపురములో' మూవీ దుమ్ముదులుపుతోంది. సరికొత్త రికార్డులను క్రియేట్ చేస్తూ స్పీడు పెంచేసింది ఈ సంక్రాంతి పందెంకోడి. నాలుగో రోజు ప్రపంచవ్యాప్తంగా కలెక్షన్స్ రిపోర్ట్ చూస్తే 11 నుంచి 13 కోట్లు వచ్చాయని రిపోర్ట్స్ అందాయి.

ప్రపంచ వ్యాప్తంగా టోటల్ షేర్ ఎలా ఉందంటే..

ఇప్పటిదాకా అందిన రిపోర్ట్స్ ప్రకారం నాలుగో రోజు ముగిసే సరికి తెలుగు రాష్ట్రాల్లో ‘అల.. వైకుంఠపురములో' మూవీ 56.5 నుంచి 59 కోట్ల షేర్ రాబట్టిందని తెలిసింది. అలాగే వరల్డ్ వైడ్ టోటల్ షేర్ 71 నుంచి 74 కోట్లు అని తెలిసింది.

కలెక్షన్ల సునామీ.. బ్రేక్ ఈవెన్ క్రాస్

సంక్రాతి విన్నర్‌గా నిలిచిన 'అల.. వైకుంఠపురములో' మూవీ కలెక్షన్స్‌లో డే బై డే గ్రోత్ కనిపిస్తోంది. మెల్లగా భారీ రేంజ్ బాక్సాఫీస్ దాడి ప్రారంభించారు అల్లు అర్జున్. దీనికి సంక్రాంతి సెలవులు కూడా కావడం మరింత ప్లస్ అయింది. పరిస్థితి చూస్తూనే మరికొన్ని రోజు 'అల.. వైకుంఠపురములో' కలెక్షన్ల సునామీ ఇలాగే కొనసాగవచ్చని తెలుస్తోంది. అతి త్వరలో ఈ సినిమా బ్రేక్ ఈవెన్ క్రాస్ చేయనుంది.

Recommended Video

Allu Arjun Excellent Speech At Ala Vaikunthapurramloo Success Meet

'అల.. వైకుంఠపురములో' మూవీ డీటెయిల్స్

గీత ఆర్ట్స్, హారిక అండ్ హాసిని క్రియేషన్స్ సంయుక్త సమర్పణలో 'అల.. వైకుంఠపురములో' మూవీ రూపొందింది. త్రివిక్రమ్ దర్శకత్వం వహించిన ఈ సినిమాలో అల్లు అర్జున్ సరసన పూజా హెగ్డే హీరోయిన్‌గా నటించింది. టబు, రాజేంద్రప్రసాద్, తనికెళ్ల భరణి సుశాంత్, నివేతా పేతురాజ్, సునీల్, బ్రహ్మాజీ, నవదీప్, సముద్రఖని ముఖ్యపాత్రలు పోషించారు.