వెనుకే వచ్చాడు కానీ రేసులో ముందున్నాడు.. ఓవర్సీస్‌లో పోటెత్తుతోన్న ‘అల’

ఓవర్సీస్‌లో మహేష్-అల్లు అర్జున్ పోటాపోటీ..

మహేష్‌ బాబుకు ఉన్న ఓవర్సీస్ ట్రాక్ రికార్డ్ ఏ ఇతర సౌత్ హీరోకు కూడా లేదు. అయితే ఈ సారి మాత్రం మహేష్ బాబుకు అల్లు అర్జున్ గట్టిపోటీ ఇస్తున్నట్టు తెలుస్తోంది. మహేష్ బాబు సరిలేరు నీకెవ్వరు ఒకరోజు ముందు రిలీజ్ అయినా.. అల్లు అర్జున్ అల వైకుంఠపురములో ఓ రోజు ఆలస్యంగా వచ్చినా ఓవర్సీస్ లెక్కల్లో మాత్రం పెద్ద తేడా కనిపించడం లేదు.

దగ్గరగా వచ్చేసిన అల..

ఒక రోజు ముందుగా రిలీజ్ అయిన ఎడ్వాంటేజ్ ఉంది కాబట్టి మహేష్ సినిమా కలెక్షన్స్ ఎక్కువగా ఉన్నాయి. ఇప్పటి వరకు అందిన సమాచారం మేరకు 1.8 మిలియన్ డాలర్లను సరిలేరు కలెక్ట్ చేయగా.. 1.79 మిలియన్ల డాలర్లను అల వైకుంఠపురములో కలెక్ట్ చేసినట్టు తెలుస్తోంది.

ట్రేడ్ అనలిస్ట్ ట్వీట్..

సరిలేరు, అల వైకుంఠపురములో చిత్రాల లెక్కలను ఓ కంట కనిపెడుతున్న ప్రముఖ ట్రేడ్ అనలిస్ట్ రమేష్ బాలా ట్వీట్ చేస్తూ.. అల వైకుంఠపురములో ఓ రోజు వెనక వచ్చినా కలెక్షన్లో ముందుంది అంటూ పోస్ట్ చేశాడు. అంతే కాకుండా తమిళ ప్రేక్షకులు కూడా ఈ రెండు చిత్రాలనే వీక్షిస్తున్నారని పేర్కొన్నాడు.

Recommended Video

భార్య స్నేహారెడ్డితో అల్లు అర్జున్ సంక్రాంతి సంబరాలు..!! వీడియో వైరల్

ప్లస్ అయిన త్రివిక్రమ్..

త్రివిక్రమ్‌కు ఓవర్సీస్‌లో మంచి మార్కెట్ ఉంది. అక్కడి ప్రేక్షకులకు మాస్ చిత్రాలు నచ్చవు.. కేవలం క్లాస్ మూవీస్‌కే ఓటేస్తారు. దీంతో 'అల వైకుంఠపురములో' సినిమాకు ఆదరణ పెరుగుతూ వస్తోందని తెలుస్తోంది. సరిలేరు నీకెవ్వరు మాస్ ఎంటర్టైనర్ కావడంతో ఓవర్సీస్ వసూళ్లలో ప్రభావం చూపెడుతోందని టాక్. మరి ఫుల్ రన్‌లో ఎవరెంత కొల్లగొడతారో చూడాలి.