‘అర్జున్ రెడ్డి’ ఫస్ట్ వీకెండ్.... యూఎస్ బాక్సాఫీసును కుమ్మేశాడు!

1 మిలియన్ డాలర్

తాజాగా యూఎస్ బాక్సాఫీసు వద్ద ఫస్ట్ వీకెండ్ పూర్తి చేసుకున్న ఈ చిత్రం దాదాపు 1 మిలియన్ డాలర్‌కు చేరువైంది. బ్లాక్ బస్టర్ టాక్ వస్తే తప్ప యూఎస్ఏ బాక్సాఫీసు వద్ద ఒక సినిమాకు ఇంత కలెక్షన్ రావడం అసాధ్యం.

ఫస్ట్ వీకెండ్ $950K

‘అర్జున్ రెడ్డి' మూవీ యూఎస్ఏలో పరిమిత సంఖ్యలో స్క్రీన్లలో రిలీజైంది. గురువారం 194k, శుక్రవారం 265k, శనివారం 321k, ఆదివారం 170k వసూలు చేసింది. ఫస్ట్ వీకెండ్ ఓవరాల్ గా $950k వసూలు చేసింది.

వివేకం కలెక్షన్ డల్

‘అర్జున్ రెడ్డి' తో పాటు అజిత్ నటించిన ‘వివేకం' మూవీ కూడా యూఎస్ఏ బాక్సాఫీసు వద్ద రిలీజైంది. అయితే ఈ చిత్రానికి ఆదరణ చాలా తక్కువగా ఉంది. ఈ చిత్రం ఫస్ట్ వీకెండ్ హాఫ్ మిలియన్ డాలర్ వసూళ్లు మాత్రమే సాధించింది.

అన్ని సినిమాలపై ‘అర్జున్ రెడ్డి’ ఎఫెక్ట్

‘అర్జున్ రెడ్డి' మూవీ ఎఫెక్ట్ యూఎస్ఏ బాక్సాఫీసు వద్ద ప్రదర్శనలో ఉన్న ఇతర అన్ని సినిమాలపై పడింది. అంతకు ముందు వారం విడుదలైన ‘ఆనందో బ్రహ్మ' గత వీకెండ్ మంచి వసూళ్లు సాధించినప్పటికీ ఈ వీకెండ్ ‘అర్జున్ రెడ్డి' ఎఫెక్టుతో పెద్దగా వసూళ్లు సాధించలేక పోయింది.