దుమ్ము రేపుతున్న ‘అవెంజర్స్’ కలెక్షన్లు.. 150 కోట్ల క్లబ్‌లోకి.. బాలీవుడ్‌కు షాకే..

హాలీవుడ్ చిత్రం అవెంజర్స్ ఇన్పినిటీ వార్ బాక్సాఫీస్ వద్ద వసూళ్ల సునామీ సృష్టిస్తున్నది. వారాంతంలోనే 100 కోట్లు వసూలు చేసిన ఈ చిత్రం రికార్డు కలెక్షన్లను సాధిస్తున్నది. వారాంతం కూడా వసూళ్ల జోష్‌ను కొనసాగించడం ట్రేడ్ పండితులను ఆశ్చర్యానికి గురిచేస్తున్నది. త్వరలోనే ఈ చిత్రం 150 కోట్ల క్లబ్‌లోనే చేరే అవకాశం ఉంది.

ఏప్రిల్ 27న రిలీజైన ఈ చిత్రం శుక్ర, శని, ఆదివారాల్లో భారీ కలెక్షన్లు సాధించింది. సోమవారం కూడా అదే ఊపును కొనసాగిస్తూ రూ.20 కోట్లు వసూలు చేసింది. మంగళవారం కూడా ఈ చిత్రం రూ.18 కోట్లు వసూలు చేయవచ్చని ట్రేడ్ వర్గాలు అంచనా వేస్తున్నాయి.

ఐదు, ఆరో రోజుల కలెక్షన్ల పరిగణనలోకి తీసుకొంటే ఈ చిత్రం రూ.150 కోట్ల క్లబ్‌లో చేరే అవకాశం కనిపిస్తున్నది. రెండో వారాంతానికి ఈ చిత్రం రూ.200 కోట్ల క్లబ్‌లో సునాయాసంగా చేరే ఛాన్స్ కనిపిస్తున్నది.