ఇదీ చరిత్ర అంటే... రూ. 1000 కోట్లను అందుకున్న బాహుబలి-2

ఇండియాలో ఎంత?

ఇప్పటి వరకు వసూలైన లెక్కలు రూ. 1000 కోట్లపై చిలుకు ఉన్నాయని, రూ. 800 కోట్లకుపైగా ఇండయాలోనే వసూలైందని, రూ. 200 కోట్లకుపైగా ఓవర్సీస్ మార్కెట్ లో వసూలైందని ప్రముఖ సినీ ట్రేడ్ విశ్లేషకుడు రమేష్ బాల తెలిపారు.

ప్రపంచం మొత్తం మాట్లాడుకుంటోంది

బాహుబలి మూవీ గురించి ఇపుడు ప్రపంచం మొత్తం మాట్లాడుకుంటోంది. బిబిసీ న్యూస్ లో ఈ సినిమా రికార్డుల గురించి ప్రశంసలు రావడం విశేషం. ఒక తెలుగు సినిమా గురించి ప్రపంచం మొత్తం మాట్లాడుకోవడం ఇదే తొలిసారి.

కష్టానికి తగిన ప్రతిఫలం

ఒక సినిమా కోసం ఇన్ని వందల కోట్ల బడ్జెట్, ఐదేళ్ల సమయం కేటాయించడం చూసి మొదట్లో చాలా మంది విమర్శించారు. కానీ ఇపుడు బాహుబలి చిత్రం ప్రభంజనం చూసి అలా విమర్శించిన వారు తమ అభిప్రాయాన్ని మార్చుకున్నారు.

రెండు ప్రాజెక్టులు కలిపితే

బాహుబలి పార్ట్ 1 గతంలో విడుదలై దాదాపు 600 కోట్లకుపైగా వసూలు చేసింది. ఇపుడు బాహుబలి 2 ఆల్రెడీ 1000 కోట్లను క్రాస్ చేసింది. ఓవరాల్ రన్ లో రెండు ప్రాజెక్టులు కలిపి రూ. 2 వేల కోట్ల మార్కును అందుకోవడం ఖాయంగా కనిపిస్తోంది.