»   » బాహుబలి 2 బాక్సాఫీస్ వార్ ముగియలేదు, ఈ దెబ్బతో దాన్ని తొక్కేయడం ఖాయం!

బాహుబలి 2 బాక్సాఫీస్ వార్ ముగియలేదు, ఈ దెబ్బతో దాన్ని తొక్కేయడం ఖాయం!

Posted By:
Subscribe to Filmibeat Telugu
మళ్ళీ తెలుగోడి సత్తా చాటిన బాహుబలి...!

రాజమౌళి దర్శకత్వంలో ప్రభాస్ హీరోగా వచ్చిన 'బాహుబలి-2' చిత్రానికి అమీర్ ఖాన్ హీరోగా వచ్చిన 'దంగల్' చిత్రానికి మధ్య బాక్సాఫీస్ వార్ ఇంకా ముగియలేదు. అత్యధిక కలెక్షన్లతో నెం.1 స్థానంలో ఉన్న 'దంగల్' చిత్రాన్ని రెండోస్థానంలోకి తొక్కేయడానికి మరో అవకాశం దక్కింది మన తెలుగు చిత్రానికి. చైనాలో విడుదలవుతున్న 'బాహుబలి-2' మూవీ 'దంగల్' కలెక్షన్లను అధిగమిస్తుందని ట్రేడ్ విశ్లేషకులు అంచనా వేస్తున్నారు.

చైనాలో లైన్ క్లియర్

చైనాలో లైన్ క్లియర్

‘బాహుబలి-2' చిత్రం ఇప్పటికే చైనాలో విడుదలవ్వాల్సి ఉంది. అయితే పలు కారణాలతో ఆలస్యం అయింది. హాలీవుడ్ వెబ్ సైట్ కథనం ప్రకారం బాహుబలి-2' చిత్రం ఇటీవల చైనాలో సెన్సార్ కార్యక్రమాలను పూర్తి చేసుకుందని, ఈస్టార్స్ మీడియా సంస్థ ఈ చిత్రాన్ని చైనా వ్యాప్తంగా విడుదల చేస్తున్నట్లు పేర్కొంది.

 ఈసారి తప్పకుండా కొడుతుందా?

ఈసారి తప్పకుండా కొడుతుందా?

అయితే ‘బాహుబలి-2' చిత్రం చైనాలో ఎప్పుడు విడుదలవుతుంది? అనే విషయం ఇంకా ఫైనల్ కాలేదు. బాహుబలి తొలి భాగం చైనాలో పెద్దగా వర్కౌట్ కాలేదు... దంగల్, భజరంగీ భాయిజాన్, సీక్రెట్ సూపర్ స్టార్ చిత్రం కంటే తక్కువే కలెక్ట్ చేసింది. అయితే ‘బాహుబలి-2' మంచి వసూళ్లు సాధిస్తుందని ఆశిస్తున్నారు.

 ఆల్ టైమ్ హయ్యెస్ట్ గ్రాసింగ్ ఇండియన్ ఫిల్మ్

ఆల్ టైమ్ హయ్యెస్ట్ గ్రాసింగ్ ఇండియన్ ఫిల్మ్

ఆల్ టైమ్ హయ్యెస్ట్ గ్రాసింగ్ ఇండియన్ ఫిల్మ్ రికార్డ్ ‘దంగల్' పేరుమీదే ఉంది. ఈ చిత్రం రూ. 1864 కోట్లు వసూలు చేసింది, ఒక చైనాలోనే రూ. 1200 కోట్లు రాబట్టింది. దీంతో బాహుబలి-2 రెండో స్థానంతో సరిపెట్టుకోక తప్పలేదు.

 రూ. 150 కోట్లు దాటితే చాలు

రూ. 150 కోట్లు దాటితే చాలు

రాజమౌళి దర్శకత్వంలో తెరకెక్కిన ‘బాహుబలి-2' చిత్రం వరల్డ్ వైడ్ బాక్సాఫీసు వద్ద రూ. 1713 కోట్లు రాబట్టింది. దంగల్ సినిమా రికార్డును బద్దలు కొట్టాలంటే చైనాలో రూ. 150 కోట్ల మార్కును దాటితే చాలు. చైనాలో బాహుబలి-2 వసూళ్లు బావుంటే రూ. 2000 కోట్ల మార్కును అందుకునే అవకాశం కూడా ఉంది. అదే జరిగితే రూ. 2వేల కోట్ల మార్కును అందుకున్న తొలి ఇండియన్ చిత్రంగా ‘బాహుబలి-2' రికార్డులకెక్కడం ఖాయం.

 చైనాలో సంవత్సరానికి 34 సినిమాలే

చైనాలో సంవత్సరానికి 34 సినిమాలే

చైనా ప్రభుత్వం లోకల్ సినిమాలను ఎంకరేజ్ చేయడానికి అక్కడ సంవత్సరంలో 34 విదేశీ సినిమాలకు మాత్రమే అనుమతి ఇస్తోంది. ఇందులో 90 శాతం హాలీవుడ్ చిత్రాలే విడుదలవుతున్నాయి. బాహుబలి 2 విడుదల ఆలస్యం కావడానికి ఇది కూడా ఓ కారణం కావొచ్చు.

English summary
After a long delay, there is some information on the China release of Baahubali 2. The movie has been certified by the censor board in China. Hollywood's Variety website has reported that EStars Media will release the movie in the country.
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

X