Don't Miss!
- Sports IPL 2024: ముంబై ఇండియన్స్కు బిగ్ షాక్.. విధ్వంసకర బ్యాటర్ దూరం!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కర్నాటకలో ‘బాహుబలి-2’ రికార్డ్: లోకల్ స్టార్లకు షాక్, ఆ గొడవే కలిసొచ్చిందా?
బాహుబలి-2 మూవీ కర్నాటకలో ఏకంగా 700 థియేటర్లలో రిలీజవుతోంది. అక్కడ లోకల్ స్టార్ల సినిమాలు కూడా ఈ రేంజిలో విడుదలవ్వడం చాలా అరుదు.
బెంగులూరు: నిన్నమొన్నటి వరకు కర్నాటకలో 'బాహుబలి-2' సినిమా విషయంలో జరిగిన రాద్దాంతం అంతా ఇంతా కాదు. కట్టప్ప(సత్యరాజ్) ఎప్పుడో చేసిన కామెంట్స్కు వ్యతిరేకంగా కన్నడ సంఘాలు సినిమాను అడ్డుకుంటామని హెచ్చరించాయి.
సత్యరాజ్ తాను చేసిన కామెంట్స్కు క్షమాపణ చెప్పడంతో కన్నడ సంఘాలు శాంతించాయి. అయితే ఇన్నాళ్లు వారు చేసిన గొడవ, ఆందోళన బాహుబలి-2 సినిమాకు పబ్లిసిటీ పరంగా బాగా కలిసొచ్చినట్లు స్పష్టమవుతోంది.
సినిమాపై పెరిగిన క్రేజ్
ఓ వైపు బాహుబలి-2 టీం ప్రమోషన్లకు తోడు.... కన్నడ సంఘాల గొడవ పుణ్యమా అని సినిమాపై క్రేజ్ బాగా పెరిగింది. సినిమాకు డిమాండ్ కూడా భారీగా పెరిగింది. దీంతో రికార్డు స్థాయిలో కర్నాటకలో సినిమాను రిలీజ్ చేసేందుకు ప్లాన్ చేస్తున్నారు.
700 థియేటర్లు
బాహుబలి-2 మూవీ కర్నాటకలో ఏకంగా 700 థియేటర్లలో రిలీజవుతోంది. అక్కడ లోకల్ స్టార్ల సినిమాలు కూడా ఈ రేంజిలో విడుదలవ్వడం చాలా అరుదు. అలాంటిది బాహుబలి-2 సినిమాను ఇంత భారీగా రిలీజ్ చేస్తున్నారంటే అక్కడ సినిమాకు ఎంత డిమాండ్ ఉందో అర్థం చేసుకోవచ్చు.
షాకవుతున్న లోకల్ స్టార్స్
పరబాషా చిత్రమైనప్పటికీ బాహుబలి-2 సినిమాకు ఇంత డిమాండ్ ఉండటం, ఇంత భారీగా సినిమా రిలీజ్ అవుతుండటం చూసి లోకల్ స్టార్లు సైతం షాకవుతున్నారు.
బాహుబలి పార్ట్ 1 బిజినెస్ 33 కోట్లు
కర్నాటకలో బాహుబలి పార్ట్-1 బాక్సాపీసు బిజినెస్ అప్పట్లో రూ. 33 కోట్ల వరకు జరిగింది. ఈ సారి సినిమా భారీగా రిలీజ్ అవుతుండటం, సినిమాపై క్రేజ్ కూడా భారీగా ఉండటంతో అంతకు రెట్టింపు వసూలు చేస్తుందని అంచనా వేస్తున్నారు.