'బాహుబలి-2' హిందీ రైట్స్ రేటు..షాకిస్తోంది

హైదరాబాద్ :రాజమౌళి డైరక్షన్ లో ప్రభాస్ హీరోగా వచ్చిన సినిమా బాహుబలి. ఈ సినిమా ధక్షిణ భారతదేశ సిని తరిత్రలో అత్యదిక వసూళ్లు సాధించిన రెండో చిత్రం. సుమారు 100 కోట్ల రూపాయల వసూల్లు సాధించింది హిందీ వెర్షన్. ఇప్పుడు ఈ చిత్రం కంటిన్యూషన్ (సీక్వెల్ కాదు)షూటింగ్ జరగుతోంది.

ఈ నేపధ్యంలో చిత్రానికి బిజినెస్ ఎంక్వైరీలు మొదలయ్యాయి. అయితే బాహుబలి నిర్మాతలు ఆచితూచి అడుగులు వేస్తున్నారు. బాహుబలికి వచ్చిన క్రేజ్ ని క్యాష్ చేసుకుంటూ..రెండో పార్ట్ ని అమ్మాయిని నిర్ణయించుకున్నారు.అందులో భాగంగా హిందీ రైట్స్ కు ప్రస్తుతం బిజినెస్ జరుగుతోందని వినికిడి.

బాలీవుడ్ కు చెందిన ఓ పెద్ద డిస్ట్ర్రిబ్యూషన్ కంపెనీ.. బాహుబలి పార్టు టూ కు సంబందించి హిందీ రైట్స్ ను సుమారు 150 కోట్లు ఆఫర్ చేసినట్టు సమాచారం. ఇందులోనే సాటిలైట్స్ హక్కులు కూడా కలుపుకుని ఉంటాయని తెలుస్తోంది. అయితే కరుణ్ జోహార్ కే ఈ సారి కూడా ఈ సినిమా ఇద్దామా అనే ఆలోచనలో నిర్మాతలు ఉన్నట్లు చెప్తున్నారు. దాంతో డీల్ ఇంకా ఫైనల్ కాలేదని చెప్పుకుంటున్నారు.

ఒక వేళ ఈ డీల్ ఫైనల్ అయ్యి..ఈ సినిమాకు అంత వస్తే, ధక్షిణ భారతంలో అత్యదింకంగా రేటు పలికిన డబ్బింగ్ సినిమాగా చరిత్రలోకి చేరుతుంది. ఎంతో ప్రతిష్టాత్మకంగా రూపోందుతున్న ఈ సినిమాపై భారీ అంచనాలు ఉన్నాయి. ఇప్పటికే కేరళలో షూటింగ్ పూర్తి చేసుకున్న ఈ సినిమా ఈ వేసవికి సిద్దం అవుతుందని సమాచారం.