Bhediya day 1 expected collections తోడేలు కలెక్షన్ల వేట.. తొలి రోజు కలెక్షన్లు ఎంతంటే?

60 కోట్ల బడ్జెట్‌తో

అమన్ కౌశిక్ దర్శకత్వంలో దినేష్ విజన్ నిర్మించిన భేడియా చిత్రం 60 కోట్ల బడ్జెట్‌తో రూపొందించారు. ఈ సినిమా ప్రీ రిలీజ్ బిజినెస్ దాదాపు 70 కోట్ల మేర జరిగింది. ఈ సినిమా బ్రేక్ ఈవెన్ సాధించాలంటే కనీసం 75 కోట్ల మేర వసూళ్లను సాధించాలని ట్రేడ్ వర్గాలు వెల్లడించాయి.

తెలుగు రాష్ట్రాల్లో 260 థియేటర్లలో

భేడియా సినిమా టీజర్లు, ట్రైలర్లకు మంచి రెస్పాన్స్ రావడంతో భారీ అంచనాలు నెలకొన్నాయి. హిందీ, తమిళ్, తెలుగు భాషల్లో రిలీజ్ చేశారు. దాంతో ఈ సినిమా దేశవ్యాప్తంగా 2500 స్క్రీన్లలో భారీగా రిలీజైంది. ఇక తెలుగు వెర్షన్ విషయానికి వస్తే.. నైజాం, ఆంధ్రాలో 260 థియేటర్లలో రిలీజ్ చేశారు.

భారీగా అడ్వాన్స్ బుకింగ్

భేడియా సినిమాకు అడ్వాన్స్ బుకింగ్ భారీగా నమోదైంది. దేశవ్యాప్తంగా ఈ సినిమా ప్రీ బుకింగ్ సుమారు 1.7 కోట్లుగా నమోదైంది. దాదాపు హిందీ, తెలుగులో 2డీ, 3డీ వెర్షన్‌కు సంబంధించి 64 వేల టికెట్లు అమ్ముడుపోయాయి. దాంతో ఈ సినిమాపై ఉండే క్రేజ్ ఏమిటో స్పష్టమైంది.

దేశవ్యాప్తంగా ఆక్యుపెన్సీ

ఇక భేడియా సినిమాకు దేశవ్యాప్తంగా ఆక్యుపెన్సీ ఎలా ఉందనే విషయానికి వస్తే.. ముంబైలో 20 శాతం, ఢిల్లీలో 20 శఆతం, పూణే, బెంగళూరు, హైదరాబాద్‌‌లో 25 శాతం మేర నమోదైంది. దేశంలోని మిగితా ప్రాంతాల్లో 15 శాతం మేర ఆక్యుపెన్సీ నమోదైంది.

అమెరికాలో భేడియా పరిస్థితి..

భేడియా సినిమా అమెరికా కలెక్షన్ల విషయానికి వస్తే.. 150 లోకేషన్లలో రిలీజ్ అయింది. మొత్తంగా 487 షోలు ప్రదర్శించారు. ఈ సినిమా అడ్వాన్స్ బుకింగ్ విషయానికి వస్తే.. 1723 టికెట్లు అమ్ముడుపోయాయి. అడ్వాన్స్ బుకింగ్ రూపంలో 23K డాలర్లు వసూలు చేసింది.

ప్రపంచవ్యాప్తంగా ఏ మేరకు కలెక్షన్లంటే?

ఇక భేడియా సినిమా ప్రపంచవ్యాప్తంగా కలెక్షన్ల విషయానికి వస్తే.. వరుణ్ ధావన్ గత సినిమా జుగ్ జుగ్ జీయో సినిమా తొలి రోజు 9.5 కోట్ల వసూళ్లు సాధించింది. ఇక భేడియా విషయానికి వస్తే.. 7.5 కోట్ల నుంచి 8 కోట్ల మేరకు వసూళ్లు సాధించే అవకాశం ఉందని ట్రేడ్ వర్గాలు వెల్లడించాయి.