Don't Miss!
- Sports PBKS vs MI: నిప్పులు చెరిగిన బుమ్రా.. ఓడిపోయే మ్యాచ్లో గెలిచిన ముంబై ఇండియన్స్!
- News పొన్నూరు వైసీపీ అభ్యర్థి అంబటి మురళీపై చర్యలకు ఈసీ ఆదేశం
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
1000 కోట్ల దంగల్.. చైనాలో ప్రభంజనం.. త్వరలో 2 వేల క్లబ్లోకి
బాలీవుడ్ మిస్టర్ ఫర్ఫెక్ట్ అమీర్ ఖాన్ హవాకు చైనాలో ఎదురే లేకుండా పోతున్నది. మే 5వ తేదీన రిలీజైన దంగల్ కలెక్షన్ల సునామీ ఇంకా కొనసాగుతూనే ఉంది.
బాలీవుడ్ మిస్టర్ ఫర్ఫెక్ట్ అమీర్ ఖాన్ హవాకు చైనాలో ఎదురే లేకుండా పోతున్నది. మే 5వ తేదీన రిలీజైన దంగల్ కలెక్షన్ల సునామీ ఇంకా కొనసాగుతూనే ఉంది. చైనాలో అత్యధిక వసూళ్లను సాధించిన చిత్రంగా దంగల్ ఓ రికార్డును సొంతం చేసుకొన్నది. తాజాగా చైనా దేశంలో రూ.1000 కోట్లు వసూలు చేసిన చిత్రంగా చరిత్ర సృష్టించింది. అయితే కలెక్షన్ల పరంగా బాహుబలి2, దంగల్ మధ్య విదేశీ గడ్డపై భారీ పోటీ జరుగుతున్నది.
1000 కోట్ల మైలురాయిని
చైనా బాక్సాఫీస్ వద్ద దంగల్ చిత్రం రూ.1000 కోట్ల మైలురాయిని దాటింది. చైనా సినీ చరిత్రలో అరుదైన 32 చిత్రాల్లో దంగల్ చోటు దక్కింది అని ఆన్లైన్ టికెట్ బుకింగ్ వెబ్సైట్ మావోయాన్ వెల్లడించింది. చైనాలో దంగల్ ఊహించిన విజయం సాధించింది. విదేశీ గడ్డపై సూపర్ హిట్ అయిన భారతీయ చిత్రంగా దంగల్ రికార్డు క్రియేట్ చేసింది అని చైనాలో భారతీయ పంపిణీదారుడు ప్రసాద్ శెట్టి తెలిపారు.
9000 థియేటర్లలో
మే 5న రిలీజ్ అయిన దంగల్ చిత్రం హౌస్ఫుల్ కలెక్షన్లతో దాదాపు 9000 థియేటర్లలో ఇంకా నడుస్తున్నది. ప్రపంచంలోనే అత్యధిక వసూళ్లను సాధించే చైనా బాక్సాఫీస్ వద్ద ఈ చిత్రం కలెక్షన్ల వరద పారిస్తున్నది అని ప్రసాద్ పేర్కొన్నారు. గత నెల రోజులుగా ఈ చిత్రానికి చైనా ప్రేక్షకులు బ్రహ్మరధం పడుతున్నారు అని ఆయన వెల్లడించారు.
దంగల్ వర్సెస్ బాహుబలి2
కలెక్షన్ల పరంగా బాహుబలి2, దంగల్ మధ్య రసవత్తర పోటీ జరుగుతున్నది. అమెరికాతోపాటు ఇతర దేశాల్లో బాహుబలి కలెక్షన్లను కొల్లగొడుతుంటే.. చైనాలో దంగల్ దూసుకెళ్తున్నది. ప్రపంచవ్యాప్తంగా దంగల్ రూ.1800 కోట్లకు పైగా వసూళ్లను సాధించింది. దాని వెనుకనే కొద్ది తేడాతో బాహుబలి2 వసూళ్లను సాధిస్తున్నది.
2 వేల కోట్ల క్లబ్పై దృష్టి
ఇదిలా ఉంటే, దంగల్ జోరు చూస్తుంటే.. చైనా బాక్సాఫీస్ వద్ద అమీర్ సినిమా మరింత సంచలనాన్ని క్రియేట్ చేసే అవకాశం కనిపిస్తున్నది. త్వరలోనే దంగల్ చిత్రం రూ.2000 కోట్ల క్లబ్లో చేరే అవకాశాలు మెరుగుపడ్డాయి. ఒకప్పుడు రూ.1000 కోట్ల క్లబ్లో చేరడమే కష్టంగా మారిన భారతీయ సినిమాలకు ప్రస్తుతం రూ.2 వేల కోట్ల క్లబ్ చాలా సులభంగా కనిపిస్తున్నది.