Click it and Unblock the Notifications
'జర్నీ' దర్శకుడు నెక్ట్స్ తెలుగు వెర్షన్ రిలీజ్ రేపే
నిర్మాత సుబ్రమణ్యం.బి మాట్లాడుతూ ''సమాజంలోని ఒక ప్రధానమైన సమస్యని ఆధారంగా చేసుకొని తెరకెక్కించిన చిత్రమిది. అందరినీ భయపెడుతున్న రౌడీయిజంపై ఓ సామాన్య పౌరుడు ఎలా పోరాటం సాగించాడన్నది ఇందులో ఆసక్తికరం. దర్శకుడు శరవణన్ కొత్త తరహా స్క్రీన్ప్లేతో ఈ చిత్రాన్ని రూపొందించారు. ఇది వరకు ఆయన తీసిన 'జర్నీ' తెలుగు ప్రేక్షకులకు ఎంతగానో నచ్చింది. అందుకు పూర్తి భిన్నమైన కథని ఎంచుకొని ఈ చిత్రాన్ని తీర్చిదిద్దాడు. ప్రతీ సన్నివేశం ప్రేక్షకుడికి ఓ ప్రత్యేకమైన అనుభూతినిస్తుంది. విక్రమ్ ప్రభు నటన ఆకట్టుకొంటుంది. తమిళంలో 'ఇవన్ వేరమాదిరి' పేరుతో విడుదలైన ఈ చిత్రం విశేషమైన ఆదరణ పొందింది. అదే తరహాలో తెలుగు ప్రేక్షకుల్ని అలరిస్తుందనే నమ్మకం ఉంది''అన్నారు.
ప్రజలను భయపెట్టి దేశాన్ని దోచుకునే రాజకీయ నాయకుడికి ఓ సామాన్యుడు ఎదురుతిరిగి అతనికి ఎలా బుద్ధి చెప్పాడనే కథాంశంతో ఈ చిత్రం రూపొందిందని ఆయన తెలిపారు. గజరాజు చిత్రంతో పరిచయమైన విక్రమ్ ప్రభు ఈ సినిమాతో ఉత్తమ నటుడిగా గుర్తింపు పొందుతారని, తెలుగువాడైన వంశీకృష్ణ విలన్గా ఈ చిత్రంలో కనిపించారని ఆయన అన్నారు. అతనికి కూడా ఈ చిత్రంతో మంచి బ్రేక్ వస్తుందని తెలిపారు. డబ్బింగ్ విషయంలో లిప్సింక్ను ప్రత్యేకంగా పర్యవేక్షించామని, స్ట్రెయిట్ సినిమా చూసిన అనుభూతి కలుగుతుందని ఆయన తెలిపారు. వంశీకృష్ణ, గణేష్ వెంకట్రామన్, హరిరాజ్ ముఖ్య పాత్రలు పోషించారు. ఈ చిత్రానికి సంగీతం:సత్య, పాటలు: భువనచంద్ర, వెన్నెలకంటి, రాకేందుమౌళి, మాటలు: వెన్నెలకంటి శశాంక్, ఎడిటింగ్: శ్రీకర్ ప్రసాద్, నిర్మాతలు: బి.సుబ్రహ్మణ్యం, సురేష్.ఎస్, ఎన్.సుభాష్ చంద్రబోస్, దర్శకత్వం: ఎం.శరవణన్.
Continue with Google