Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
'ధూమ్ 3' భాక్సాఫీస్ కలెక్షన్స్
ముంబయి: అమీర్ఖాన్, అభిషేక్ బచ్చన్, కట్రీనా కైఫ్ ప్రధాన పాత్రలు పోషించగా శుక్రవారం విడుదలైన 'ధూమ్ 3' సినిమా మొదటి రోజు నుంచే కలెక్షన్లలో సరికొత్త రికార్డులు సృష్టించడం ప్రారంభించింది. విజయ్కృష్ణ ఆచార్య దర్శకత్వంలో యశ్రాజ్ ఫిలిమ్స్ బేనర్పై ఆదిత్య చోప్రా నిర్మించిన ఈ సినిమా విడుదలైన మొదటిరోజు కలెక్షన్లలోనే కాక, ఏ ఒక్క రోజు కలెక్షన్లలోనైనా సరికొత్త రికార్డులు సాధించింది.
మునుపటి రెండు సినిమాలతో పోలిస్తే మరింత భారీతనంతో, భారీ వ్యయంతో రూపొందిన ఈ సినిమాలో సాహిర్, సమర్ అనే కవల సోదరులుగా అమీర్ఖాన్ ప్రదర్శించిన అభినయం, కట్రీనా గ్లామర్, రబ్బరు బొమ్మలా ఆమె చేసిన డాన్సులు, విజయ్కృష్ణ ఆచార్య దర్శకత్వ ప్రతిభ, సుదీప్ చటర్జీ ఛాయాగ్రహణం, ప్రీతమ్ సంగీతం ప్రేక్షకుల్ని ఆకట్టుకుంటున్నాయని విశ్లేషకులు చెబుతున్నారు.
విడుదలైన మొదటిరోజు భారతదేశంలో కలెక్షన్ల విషయంలో ఇప్పటివరకు షారుఖ్ఖాన్ సినిమా 'చెన్నై ఎక్స్ప్రెస్' సాధించిన రూ. 33.10 కోట్లదే రికార్డ్. అలాగే సింగిల్ డే కలెక్షన్ల రికార్డు రూ. 35.91 కోట్లతో ఇటీవల విడుదలైన హృతిక్ రోషన్ సినిమా 'క్రిష్ 3' పేరిట ఉంది. ఈ రెండు రికార్డులనీ మొదటి రోజు కలెక్షన్లతో అధిగమించింది 'ధూమ్ 3'. భారత్లో అది 36.22 కోట్లను వసూలు చేసింది.
ఇక ఓవర్సీస్లో మొదటి రోజు రూ. 20.20 కోట్లను వసూలు చేసింది ఆ సినిమా. అంటే తొలి రోజు ప్రపంచవ్యాప్తంగా 'ధూమ్ 3' వసూలు చేసిన మొత్తం రూ. 56.42 కోట్లు! భారతీయ సినీ చరిత్రలో ఇది కొత్త అధ్యాయం. అలాగే శనివారం ఈ సినిమా భారత్లో రూ. 33.35 కోట్లను వసూలు చేసింది (తెలుగు, తమిళ వెర్షన్లు సహా). దీన్ని బట్టి చూస్తుంటే ఆదివారం కలెక్షన్లతో అంటే మూడు రోజుల మొదటి వారాంతంలోనే ఈ సినిమా రూ. 100 కోట్ల మార్కును దాటేయడం ఖాయంగా కనిపిస్తోంది. ముందు ముందు ఈ సినిమా ఎన్ని రికార్డులను బ్రేక్ చేస్తుందో చూడాలి.