Pogaru 3 days collections: తెలుగు సినిమాలతో కన్నడ హీరో పోరాటం.. ఇంకా ఎంత రావాలంటే?

పొగరు కోసం మూడేళ్ళ కష్టం..

సీనియర్ స్టార్ హీరో అర్జున్ సర్జా మేనల్లుడైన ధృవ కన్నడలో ఇప్పుడిప్పుడే తన క్రేజ్ ను పెంచుకుంటున్నాడు. కన్నడలో అతను తీసింది కేవలం మూడు సినిమాలే. ఆ సినిమాలు మూడు కూడా కన్నడ బాక్సాఫీస్ వద్ద వసూళ్లు బాగానే అందుకున్నాయి. ఇక ఆ సినిమాలకంటే హై రేంజ్ లో ఉండాలని పొగరు సినిమా కోసం ధృవ మూడేళ్లు కష్టపడ్డాడు.

డీసెంట్ ఓపెనింగ్స్..

అసలైతే సినిమాను గత ఏడాది సమ్మర్ లోనే రిలీజ్ చేయాలని అనుకున్నారు. కానీ లాక్ డౌన్ వల్ల వాయిదా వేస్తూ వచ్చారు. సినిమాలోని కరాబు అనే సాంగ్ తోనే మంచి హైప్ క్రియేట్ చేసుకుంది. తెలుగులో కూడా ఆ సాంగ్ గట్టిగానే క్లిక్కయ్యింది. ఇక సినిమా గత శుక్రవారం రిలీజయ్యి డీసెంట్ ఓపెనింగ్స్ ను అందుకుంది.

3వ రోజు వచ్చిన కలెక్షన్స్..

సినిమా హైప్ అయితే బాగానే క్రియేట్ చేసుకుంది గాని రిలీజ్ అనంతరం పెద్దగా పాజిటివ్ టాక్ ను మాత్రం అందుకోలేకపోయింది. మూడవ రోజు ఎపి తెలంగాణలో వచ్చిన కలెక్షన్స్ (షేర్స్)ఈ విధంగా ఉన్నాయి.. నైజాం 14లక్షలు, సీడెడ్ 10లక్షలు, ఉత్తరాంధ్ర 6లక్షలు, ఈస్ట్ 4లక్షలు, వెస్ట్ 2.3లక్షలు, గుంటూరు 3.1లక్షలు, కృష్ణా 3.3లక్షలు, నెల్లూరు 2లక్షలు.

ఇంకా ఎంత రావాలి అంటే..

మొత్తంగా ముడవరోజు ఎపి తెలంగాణలో పొగరు సినిమాకు 44లక్షల షేర్స్ వచ్చాయి. ఇక మూడు రోజుల మొత్తం షేర్స్ 1.71కోట్లు. యాక్షన్ సీన్స్ కోసం మాస్ ఆడియెన్స్ ఎట్రాక్ట్ అవ్వడం వలన ఈ రేంజ్ కలెక్షన్స్ వచ్చాయి. ఇక సినిమా మొత్తంగా తెలుగు రాష్ట్రాల్లో చేసిన బిజినెస్ 3.7కోట్లు. 4కోట షేర్స్ అందుకుంటేనే హిట్టయినట్లు లెక్క. ప్రాఫిట్ జోన్ లోకి రావాలి అంటే మరో 2.29కోట్లు రాబట్టాల్సిందే.