దుమ్ము రేపుతున్న ‘డిజె’ కలెక్షన్స్: రూ. 100 కోట్లు వచ్చేశాయ్!(ఏరియా వైజ్)

డిజె మూవీ రూ. 100 కోట్ల కలెక్షన్ రీచ్ అయింది. సినిమా విడుదలైన వారంలోనే ఈ మార్కు అందుకుంది.

By Bojja Kumar

Updated: Saturday, July 1, 2017, 13:48 [IST]

హైదరాబాద్: అల్లు అర్జున్, పూజా హెగ్డే జంటగా హరీష్ శంకర్ దర్శకత్వంలో దిల్ రాజు నిర్మించిన చిత్రం 'డిజె- దువ్వాడ జగన్నాథమ్'. ఇటీవల జరిగిన థాంక్స్ మీట్లో నిర్మాత దిల్ రాజు మాట్లాడుతూ సినిమా 4 రోజుల్లోనే 75 కోట్ల గ్రాస్ సాధించిందని... ఫస్ట్ వీక్ పూర్తయ్యేలోపు రూ. 100 కోట్ల కలెక్షన్ సాధిస్తుందని ధీమాగా చెప్పిన సంగతి తెలిసిందే.

దిల్ రాజు అంచనాలు ఏమాత్రం తప్పలేదు. గురువారంతోనే బాక్సాఫీసు వద్ద వారం రోజులు పూర్తి చేసుకున్న ఈ చిత్రం..... రూ. 100 కోట్ల గ్రాస్ కలెక్షన్ మార్కును దాటేసింది. ఈ సినిమా ఒక్క ఇండియాలోనే రూ. 91 కోట్లు వసూలు చేయడం గమనార్హం. ఇక తెలుగు రాష్ట్కాల్లో రూ. 78 కోట్ల గ్రాస్ రాబట్టింది.

ఆ మూడు సినిమా తర్వాత డిజె

కాగా.... మొత్తం 102 కోట్ల గ్రాస్ కలెక్షన్ రాగా... అందులో రూ. 62.2 కోట్ల డిస్ట్రిబ్యూటర్ షేర్ వచ్చింది. ఇందులో తెలుగు రాష్ట్రాల నుండి దాదాపు రూ. 50 కోట్ల షేర్ వచ్చినట్లు సమాచారం. బాహుబలి, బాహుబలి-2, ఖైదీ నెం 150 సినిమాల తర్వాత తొలి వారంలోనే రూ. 50 కోట్ల షేర్ సాధించి చిత్రంగా ‘డిజె నిలిచింది.