తొలివారమే 2300 కోట్లు.. ఈ హారర్ సినిమా చూస్తే.. డాష్ డాష్ పడాల్సిందే..

స్టీఫెన్ కింగ్ రచన ఆధారంగా

ప్రముఖ రచయిత స్టీఫెన్ కింగ్ రచన ఆధారంగా తెరకెక్కిన గొప్ప హర్రర్ చిత్రం ఇట్. ఈ చిత్రం సెప్టెంబర్ 8వ తేదీన ప్రపంచవ్యాప్తంగా విడుదలై... విమర్శకలను సైతం మెప్పించింది. దీంతో వారు ఈ సినిమాను భిన్న రకాలుగా కీర్తిస్తూ పలు సమీక్షలు రాశారు. సెప్టెంబర్ మాసంలో ప్రపంచవ్యాప్తంగా విడుదలైన అన్ని చిత్రాలను వెనక్కి తొసి... ఈ చిత్రం అగ్రస్థానంలో నిలబడింది.

ఆకాశానికి ఎత్తేసిన రాటెన్ టామాటోస్

సాధారణంగా రాటెన్ టామాటోస్ అనే వెబ్‌సైట్ ఏ సినిమానైనా చీల్చి చెండాడి సమీక్ష రాస్తుంది. కానీ ఇట్ అనే సినిమాను మాత్రం రాటెన్ టామాటోస్ ఆకాశానికి ఎత్తేసింది. ఈ చిత్రంపై ప్రశంసల వర్షం కురిపించింది.

యూఎస్‌లోను ప్రభంజనం

ఈ చిత్రం యూఎస్‌లో విడుదలై తొలివారంలోనే రూ. 123 మిలియన్ డాలర్ల సంపాదించి... రూ. 60 మిలియన్లతో చేపట్టిన వార్నర్ బ్రదర్స్ ప్రాజెక్ట్‌ను అధిగమించింది. అలాగే భారతదేశంలో ఐటీ విడుదలైన తొలి నాలుగు రోజుల్లోనే రూ. 11 కోట్లు చేజిక్కుంచుకుంది. తమిళనాడులో ఈ చిత్రం స్థానిక చిత్రాలను వెనుకకు నెట్టి అగ్రస్ఠానంలో నిలిచింది.

225 కోట్ల బడ్జెట్‌తో..

అంతేకాకుండా హార్రర్ చిత్రాలలో ఐటీ చిత్రం అగ్రభాగాన నిలబడింది. ఈ చిత్రం విడుదలై రెండో వారం కావొస్తున్న... ప్రపంచవ్యాప్తంగా ప్రేక్షకులు ఐటీ చూసేందుకు థియేటర్ల వద్ద బారులు తీరుతున్నారు. ఈ చిత్రం నిర్మించేందుకు రూ. 35 మిలియన్ డాలర్లు ఖర్చు ( రూ. 225 కోట్లు) అయింది. ఈ చిత్రానికి సీక్వెల్‌గా నిర్మించాలనే ఆలోచనలో ఉన్నారు.