జాను మూవీ తొలి రోజు కలెక్షన్లు.. ఏ రేంజ్‌లో అంటే.. హిట్టు కొట్టాలంటే ఎంత?

రికార్డు స్థాయిలో ప్రీ రిలీజ్ బిజినెస్

దిల్ రాజు నిర్మాతగా సీ ప్రేమ్ కుమార్ దర్శకత్వంలో జాను రొమాంటిక్ డ్రామాగా రూపొందింది. ప్రపంచవ్యాప్తంగా ఈ చిత్రానికి సానుకూల స్పందన వ్యక్తమవుతున్నది. ఈ చిత్రం ప్రీ రిలీజ్ బిజినెస్ సుమారు రూ.21 కోట్లుగా నమోదు కావడం ట్రేడ్ వర్గాలను ఆశ్చర్యానికి గురిచేసింది. సమంత, శర్వానంద్ జంట బిజినెస్ ప్రధాన కారణం కాగా.. టీజర్లు, ట్రైలర్లు సినిమాపై అంచనాలు పెంచాయి.

తెలుగు రాష్టాల్లో కలెక్షన్లు

తెలుగు రాష్ట్రాల్లో జాను సినిమా ప్రీ రిలీజ్ బిజినెస్ ఏరియాల వారీగా ఇలా నమోదైంది..
నైజాంలో రూ.5.40 కోట్లు
వైజాగ్‌లో రూ. 2.20 కోట్లు
తూర్పు గోదావరి జిల్లాలో రూ.1.30 కోట్లు
పశ్చిమ గోదావరిలో రూ.1.10 కోట్లు
కృష్ణా జిల్లాలో రూ.1.30 కోట్లు
గుంటూరులో రూ.1.45 కోట్లు
నెల్లూరులో రూ.0.65 కోట్లు
సీడెడ్‌లో రూ.2.60 కోట్లతో మొత్తం ఏపీ, తెలంగాణలో రూ.16 కోట్ల బిజినెస్ జరిగింది.

ఓవర్సీస్‌, ఇతర రాష్ట్రాల్లో

తెలుగేతర రాష్ట్రాల్లో, ఓవర్సీస్‌లో చూసుకొంటే..
కర్ణాటకలో రూ.60 లక్షలు
మిగితా రాష్ట్రాల్లో రూ.10 లక్షలు
ఓవర్సీస్‌లో రూ.4.3 కోట్లతో మొత్తంగా ఈ చిత్రం 21 కోట్ల ప్రీరిలీజ్ బిజినెస్ చేసింది.

లాభాల్లోకి రావాలంటే..

అయితే తొలి రోజు టాక్‌ను పరిగణనలోకి తీసుకొంటే జాను చిత్రం.. ప్రపంచవ్యాప్తంగా సుమారు రూ.6 కోట్లు వసూలు చేసే అవకాశం ఉందని ట్రేడ్ వర్గాలు అంచనా వేస్తున్నాయి. ఇక ఈ చిత్రం మొత్తంగా రూ.30 కోట్లకుపైగా వసూళ్లు సాధిస్తే బ్లాక్ బస్టర్‌గా మారే అవకాశం ఉంది. 25 కోట్లకు పరిమితమైతే హిట్‌ నుంచి సూపర్ హిట్ రేంజ్‌ను నమోదు చేసుకొనే అవకాశం లేకపోలేదు.