అంచనాలు రివర్స్: ‘జనతా గ్యారేజ్’ అక్కడ భారీ ప్లాప్.... ఎందుకలా?

అంచనాలు తప్పాయి

మళయాలం సూపర్ స్టార్ మోహన్ లాల్ కీలక పాత్ర పోషించిన ఈ చిత్రాన్ని కేరళలోనూ రిలీజ్ చేసిన సంగతి తెలిసిందే. ఇక్కడ సినిమాకు మంచి లాభాలు వస్తాయని ఆశించారు. కానీ ఈ విషయంలో అందరి అంచనాలు తప్పాయి.

చాలా తక్కువ వసూళ్లు

తొలివారం కేరళలో జనతా గ్యారేజ్ కేవలం రూ. 3.22 కోట్ల గ్రాస్ మాత్రమే సాధించింది. అంటే కేవలం 40 శాతం మాత్రమే రికవరీ అయింది. సెకండ్ వీక్ లో థియేటర్లన్నీ వెలవెల పోతున్నాయి. సో ఫస్ట్ వీక్ లో వచ్చిన కలెక్షన్లలో సగం కూడా వచ్చే అవకాశం కనిపించడం లేదు.

బన్నీ బెటర్

స్టైలిష్ స్టార్ అల్లు అర్జున్ నటించిన ‘సరైనోడు' చిత్రం ఇటీవల కేరళలో ‘యోధవు' పేరుతో రిలీజైంది. ఈ చిత్రం అక్కడ తొలివారం 4.14 కోట్లు వసూలు చేసింది. దీన్ని బట్టి కేరళలో బన్నీ స్టామినా ఏ రేంజిలో ఉందో అర్థం చేసుకోవచ్చు.

కేరళ బిగ్గెస్ట్ స్టార్ నటించినా

అయితే జనతా గ్యారేజ్ చిత్రంలో కేరళ బిగ్గెస్ట్ స్టార్ మోహన్ లాల్ నటించినా.... ‘యోధవు' రికార్డులను అధిగమించక పోవడం గమనార్హం. ఎందుకు ఇలా అయింది? కేరళ జనాలకు ఈ సినిమా నచ్చలేదా? ఇలాంటి మాస్ సినిమాలు అక్కడ పెద్దగా ఆడవా? అనేది అర్థం కావడం లేదు.

నష్టం ఎంత

ఫుల్ బిజినెస్ లో టోటల్ వసూళ్లు 5 కోట్లుకు చేరే అవకాశం ఉంది..... ఈ సినిమా కేరళ రైట్స్ రూ. 8 కోట్లకు అమ్మేసారు. అంటే డిస్ట్రిబ్యూటర్ కు ఎట్టి పరిస్థితుల్లోనూ నష్టాలు తప్పవని తేలిపోయింది.