KGF Chapter 2 Collections.. 500 కోట్ల క్లబ్‌కు చేరువగా రాకీ భాయ్.. బాహుబలి2 రికార్డుపై కన్నేసిన ప్రశాంత్ నీల్

1100 కోట్ల క్లబ్‌పై నజర్

KGF2 మూవీ బాలీవుడ్‌లో వసూళ్ల పరంగా పరుగులు పెడుతున్నది. కేవలం మూడు వారాల్లోనే 1000 కోట్ల రూపాయలను సాధించింది. అయితే ఈ సినిమా నిలకడగా కలెక్షన్లను వసూలు చేస్తుండటంతో RRR చిత్రం కలెక్షన్లను అధిగమించే అవకాశాలు స్పష్టంగా కనిపిస్తున్నాయి. త్వరలోనే ఈ చిత్రం ప్రపంచవ్యాప్తంగా 1100 కోట్ల రూపాయల కలెక్షన్లను నమోదు చేసే అవకాశం ఉంది.

హిందీలో 400 కోట్ల క్లబ్‌లోకి

KGF Chapter 2 హిందీ వెర్షన్ కలెక్షన్ల విషయానికి వస్తే.. తొలి వారంలో 268.63 కోట్లు, రెండోవారంలో 80.18 కోట్లు, మూడో వారంలో 49.14 కోట్లు వసూలు చేసింది. దాంతో ఈ చిత్రం 397.95 కోట్లు వసూలు చేసింది. దాంతో ఈ చిత్రం బ్లాక్‌బస్టర్‌గా రికార్డును సొంతం చేసుకొన్నది. త్వరలోనే ఈ సినిమా 400 కోట్ల వసూళ్లను సాధించే అవకాశం ఉంది.

23 రోజున కలెక్షన్లు

KGF Chapter 2 చిత్రం నాలుగో వారంలో కూడా భారీ కలెక్షన్లను నమోదు చేసింది. 22వ రోజున 6.30 కోట్లు రాబట్టిన ఈ చిత్రం 23 రోజున 5 కోట్ల వరకు వసూళ్లను రాబట్టింది. దాంతో ఈ చిత్రం 401 కోట్ల వసూళ్లను నమోదు చేసింది. అయితే హాలీవుడ్ చిత్రం డాక్టర్ స్ట్రేంజ్ 2 చిత్రాన్ని కూడా ఎదుర్కొని మంచి కలెక్షన్లను రాబట్టడం విశేషంగా మారింది.

500 కోట్ల క్లబ్‌పై దృష్టి

KGF Chapter 2 మూవీ బాక్సాఫీస్ జైత్రయాత్ర ఇలాగే కొనసాగితే.. మరికొన్ని రోజుల్లో ఈ చిత్రం 500 కోట్ల క్లబ్‌లో చేరే అవకాశం ఉంది. కన్నడ డబ్బింగ్ చిత్రంగా రూపొందిన కేజీఫ్2 ఈ రేంజ్ కలెక్షన్లను సాధించడం ఓ రికార్డుగా మారింది.

బాహుబలి రికార్డుపై గురి

బాలీవుడ్‌లో అత్యధిక కలెక్షన్లు సాధించిన చిత్రంగా బాహుబలి2 ఉంది. గతంలో బాహుబలి చిత్రం 511 కోట్ల రూపాయలను వసూలు చేసి నంబర్‌వన్ స్థానంలో నిలిచింది. అయితే ఈ కలెక్షన్లను అధిగమిస్తుందా లేదా అనే విషయం హిందీ ట్రేడ్ వర్గాల్లో ఆసక్తికరంగా మారింది. అయితే బాలీవుడ్‌లో భారీ చిత్రాల రిలీజ్‌లు లేవు కనుక.. ఈ సినిమా 500 కోట్ల క్లబ్‌లో చేరే అవకాశం స్పష్టంగా ఉంది.