కేజీఎఫ్ కలెక్షన్ల జోష్.. యూఎస్‌లో రికార్డు బ్రేక్.. 3 రోజుల్లో ఎంతంటే..

కర్ణాటకలో వసూళ్లు

కర్ణాటకలో కేజీఎఫ్ తొలిరోజే అదరగొట్టే కలెక్షన్లు సాధిచించింది. మొదటి రోజు రూ.14 కోట్లు సాధించిన ఈ చిత్రం రెండో, మూడో రోజున 12 కోట్లు సాధించడంతో వసూళ్ల మొత్తం రూ.26 కోట్లకు చేరుకొన్నట్టు ట్రేడ్ వర్గాలు వెల్లడించాయి.

తెలుగు రాష్ట్రాల్లో కలెక్షన్లు

రిలీజ్‌కు ముందు భారీ అంచనాలు పెంచిన కేజీఎఫ్ చిత్రానికి తెలుగు రాష్ట్రాల్లో పెద్దగా స్పందన కనిపించలేదు. గత మూడు రోజుల్లో కేవలం రూ.3.8 కోట్లు మాత్రమే వసూళు చేసింది. అలాగే కేరళ, తమిళనాడులో ఈ చిత్రం కేవలం రూ.1.8 కోట్లు మాత్రమే రాబట్టం జరిగింది.

ఉత్తరాదిలో కేజీఎఫ్

ఉత్తరాది చిత్ర పరిశ్రమలో కేజీఎఫ్ కొంత సానుకూలత కనిపించింది. మూడు రోజుల్లో ఈ చిత్రం రూ.10.5 కోట్లు సాధించింది. తొలి రోజు కలెక్షన్ల వేగం మందగించినా గత రెండు రోజుల్లో భారీ కలెక్షన్లు సాధించింది. హిందీలో డబ్బింగ్‌ చిత్రంగా రిలీజైన కేజీఎఫ్ ఫర్వాలేదనిపిస్తున్నది.

యూఎస్‌ బాక్సాఫీస్ వద్ద

యూఎస్ మార్కెట్‌లో కూడా కేజీఎఫ్ చిత్రం భారీ వసూళ్లను రాబట్టింది. గత మూడు రోజుల్లో రూ.2 కోట్ల కలెక్షన్లను రాబట్టింది. గతంలో విదేశీ మార్కెట్‌లో అత్యధికంగా వసూళ్లను సాధించిన తరంగా చిత్ర రికార్డు రూ.2.21 కోట్లకు చేరువైంది.

ప్రపంచవ్యాప్తంగా కలెక్షన్లు

ప్రపంచవ్యాప్తంగా కేజీఎఫ్ చిత్రం రూ.44.3 కోట్లు సాధించింది. సోమ, మంగళ, బుధ వారాల్లో కూడా సెలవుల ప్రభావం కనిపిస్తున్నందున మరిన్ని కలెక్షన్లు సాధించే అవకాశం ఉంది. ప్రశాంత్ నీల్ దర్శకత్వంలో యష్, శ్రీనిధి శెట్టి నటించిన ఈ చిత్రం డిసెంబర్ 21న ప్రేక్షకుల ముందుకువ వచ్చిన సంగతి తెలిసిందే.