‘ఖైదీ నెం 150’....ఇన్‌కం టాక్స్‌లో రామ్ చరణ్ చూపిన లాభాల లెక్కలు ఇవే?

బడ్జెట్ ఎంత, లాభం ఎంత?

‘ఖైదీ నెం 150' చిత్రాన్ని తాను రూ. 60 కోట్లతో నిర్మించినట్లు ఇన్ కం టాక్స్ అధికారులకు రామ్ చరణ్ వెల్లడించినట్లు సమాచారం. ఈ సినిమాకు రూ. 75 కోట్లు కలెక్షన్ వచ్చినట్లు, ఈ సినిమా వల్ల తనకు రూ. 15 కోట్లు లాభం చేకూరినట్లు వెల్లడించినట్లు తెలుస్తోంది.

చిరు, వినాయక్ రెమ్యూనరేషన్

ఇన్ కం టాక్స్ అధికారులకు సమర్పించిన లెక్కల్లో రామ్ చరణ్ ‘ఖైదీ నెం 150' సినిమాకు గాను చిరంజీవికి రెమ్యూనరేషన్ గా రూ. 20 కోట్లు, వినాయక్ కు రెమ్యూనరేషన్ గా రూ. 10 కోట్లు ఇచ్చినట్లు నిర్మాత రామ్ చరణ్ చూపించినట్లు సామాచారం.

అసలు నిజం?

రామ్ చరణ్ లెక్కల్లో అలా చూపినప్పటికీ... కొడుకు వద్ద నుండి చిరంజీవి ఎలాంటి రెమ్యూనరేషన్ తీసుకుని ఉండరు, వినాయక్ కూడా అంత చార్జ్ చేసిన ఉండక పోవచ్చు... కేవలం టాక్స్ లెక్కల కోసమే అలా అంకెల గారడీ చూపించి ఉంటారనే ఊహాగానాలు వెల్లువెత్తుతున్నాయి.

తెలివిగా ప్రవర్తించిన చరణ్?

దీంతో పాటు ఇన్ కం టాక్స్ విషయంలో రామ్ చరణ్ చాలా తెలివిగా ప్రవర్తించారని, సినిమాను తాను ఎవరికీ అమ్మలేదని, తానే స్వయంగా రిలీజ్ చేసినట్లు తెలిపారట. ఎవరితోనూ ఎలాంటి బిజినెస్ డీల్స్ పెట్టుకోలేదని రామ్ చరణ్ ఇన్ కం టాక్స్ అధికారులకు తెలిపినట్లు సమాచారం. ఎగ్జిబిటర్ల నుండి ఫైనల్ కలెక్షన్ చార్ట్ కోసం ఎదురు చూస్తున్నట్లు వారికి వెల్లడించారట.

పబ్లిసిటీ గిమ్మిక్కే అని చెప్పారా?

ఆ మధ్య అల్లు అరవింద్, వివి వినాయక్ ప్రెస్ మీట్ పెట్టి కలెక్షన్ల వివరాలపై ప్రకటన చేసిన అంశాన్ని ఇన్ కం టాక్స్ అధికారులు ప్రశ్నించగా... అది సినిమా పబ్లిసిటీ కోసం చేసిందే, నేను అఫీషియల్ గా చేసింది కాదని రామ్ చరణ్ తెలిపారట.