టాప్ 3లో కొరటాల శివ.. బన్నీ సినిమాకు భారీ రెమ్యునరేషన్.. త్రివిక్రమ్‌ను మించిపోయేలా..

ఆయన తరువాత త్రివిక్రమ్..

ప్రస్తుతం టాలీవుడ్ లోనే కాకుండా ఇండియాలోనే అత్యదిక రెమ్యునరేషన్ అందుకుంటున్న దర్శకుల్లో రాజమౌళి ఒకరు. ఆయన రెమ్యునరేషన్ కన్నా కూడా సినిమా బిజినెస్ లలో షేర్స్ తీసుకుంటున్నారు కాబట్టి సినిమా సినిమాకు పెరుగుతూనే ఉంది. టాలీవుడ్ దర్శకులతో పోలిస్తే ఆయన రేటు చాలా ఎక్కువనే చెప్పాలి. ఇక ఆయన తరువాత టాలీవుడ్ లో త్రివిక్రమ్ కొనసాగుతున్నాడు.

త్రివిక్రమ్ ధర ఎంతంటే..

ఇటీవల అల.. వైకుంఠపురములో సినిమాతో బాక్సాఫీస్ హిట్ అందుకున్న త్రివిక్రమ్ ఒక్కసారిగా తన పారితోషికాన్ని 20కోట్లకు పెంచినట్లు టాక్ అయితే వస్తోంది. ఆయన కూడా నిర్మాతలతో చేతులు కలుపుతారు కాబట్టి కొన్నిసార్లు షేర్స్ తీసుకుంటారని సమాచారం. ఇక దర్శకుడు కొరటాల శివ వారి తరువాత కొనసాగుతున్నట్లు తెలుస్తోంది. ప్రస్తుతం. కొరటాల ఆచార్య సినిమా చేస్తున్న విషయం తెలిసిందే.

అపజయం లేని దర్శకుడిగా..

రాజమౌళి తరువాత పెద్ద హీరోలతో వర్క్ చేసే దర్శకుల్లో ఇంతవరకు అపజయం లేని డైరెక్టర్ గా కొనసాగుతున్నాడు కొరటాల శివ. వీలైనంత వరకు పెద్ద హీరోలతో బిగ్ బడ్జెట్ కథలను రెడీ చేస్తున్న కొరటాల నెక్స్ట్ అల్లు అర్జున్ తో స్టూడెంట్స్ పొలిటికల్ బ్యాక్ డ్రాప్ లో మరో సినిమాను తెరకెక్కించాలని డిసైడ్ అయిన విషయం తెలిసిందే.

Kadambari Kiran Supports KCR And Tells Voters To Support TRS In GHMC Elections 2020

కొరటాల రెమ్యునరేషన్ ఎంతంటే..

ఇక ఆ సినిమాకు కొరటాల రూ.15కోట్ల వరకు అందుకొనున్నాడట. రైటర్ గా మొదట్లో వేలల్లో పారితోషికాన్ని అందుకున్న కొరటాల ఇప్పుడు మాత్రం కోట్లల్లో ఆదాయాన్ని పెంచుకుంటున్నాడు. ప్రస్తుతం ఈ న్యూస్ ఫిల్మ్ నగర్ లో హాట్ టాపిక్ గా మారింది. ఇక త్వరలో ఈ దర్శకుడు, రామ్ చరణ్ తో కూడా సినిమా చేయాలని అనుకుంటున్నాడు. ఆచార్యతో పాటు బన్నీ సినిమా హిట్టయితే ఆ తరువాత అతను త్రివిక్రమ్ ని మించిపోగలడని చెప్పవచ్చు.