Box office: క్రాక్ లేటెస్ట్ కలెక్షన్స్.. ఇంకా లాభాల్లోకి రాలేదు.. ఆ సినిమాలు క్లిక్కయితే డేంజరే..

రెండు షోలే పడినా..

క్రాక్ పక్కా మాస్ కమర్షియల్ సినిమా కావడంతో మొదటిరోజు అభిమానుల నుంచి భారీ స్థాయిలో రెస్పాన్స్ వచ్చింది. విడుదల ఆలస్యం అయినప్పటికీ ఆర్థిక ఇబ్బందులు ఎదురైనప్పటికి ఏ మాత్రం వెనుకడుగు వేయకుండా ప్రేక్షకుల ముందుకు వచ్చిన క్రాక్ శనివారం కేవలం రెండు షోలతోనే హై రేంజ్ లో రెస్పాన్స్ అందుకుంది.

సినిమాకు అదే హెల్ప్ అయ్యింది

ఏ సినిమాకైనా సరే మొదటి రెండు షోల నుంచి వచ్చే టాక్ చాలా ప్రధానమైంది. క్రాక్ సినిమాకు కూడా అదే హెల్ప్ అయ్యింది. సినిమాకు ఓపెనింగ్స్ భారీ స్థాయిలో అందాయి. మొదట రెండు షోలకు 1 కోటికి పైగా కలెక్షన్స్ అందాయి. కేవలం 50% సిట్టింగ్ కెపాసిటీతో ఆ స్థాయిలో వసూళ్లు అందుకోవడం అంటే అది సాధారణ విషయం కాదు.

మొదటి రోజు ఎంత వచ్చాయంటే..

మొదటి రోజు సినిమా విడుదల కాకపోవచ్చు అనే అనుమానాల వల్ల కొందరు థియేటర్స్ నుంచి వెనుదిరిగారు. లేకపోతే కలెక్షన్స్ ఇంకా హై లెవెల్లో ఉండేవి. ఇక ఆదివారం ఫుల్ షోలు నడిచాయి కాబట్టి మొదటి రోజుగా పరిగణించి లెక్కల్లోకి వెళితే.. డే 1- 6కోట్లకు పైగా షేర్స్ అందాయి. ఆ తరువాత కూడా అలానే కొనసాగింది.

రెండవరోజు ఎంతక్ వచ్చాయంటే..

అయితే సోమవారం కూడా కలెక్షన్స్ పరవాలేదు అనే విధంగా వచ్చాయి. ఏరియాల వారిగా రెండవ రోజు కలెక్షన్స్ లెక్కలు ఈ విధంగా ఉన్నాయి. నైజాంలో అత్యధికంగా 1.03కోట్లను అందుకోగా సీడెడ్ లో 61లక్షల షేర్స్ వచ్చాయి. ఈస్ట్, వెస్ట్, గుంటూరు వంటి ఏరియాల్లో కూడా మాస్ రాజా హవా గట్టిగానే కొనసాగింది. రెండవ రోజు దక్కిన మొత్తం షేర్స్ 3.15కోట్లని తెలుస్తోంది.

ఇంకా ఎంత సాధించాలి..

ఇప్పటివరకు క్రాక్ కు దక్కిన మొత్తం కలెక్షన్స్ రూ.10.61కోట్లని సమాచారం. వరల్డ్ వైడ్ గా సినిమా సాధించిన ఈ కలెక్షన్స్ సంతృప్తిని ఇచ్చినప్పటికీ ఇంకా ప్రాఫిట్ జోన్ లోకి అయితే రాలేదు. సినిమా బ్రేక్ ఈవెన్ టార్గెట్ 17.5కోట్లు. ఇంకా రూ6.89కోట్లు షేర్స్ సాధిస్తేనే లాభల్లోకి వచ్చినట్లు. ఇక శనివారం కూడా నాలుగు షోలు పడి ఉంటే ఈ లెక్కలు మరోలా ఉండేవి.

రానున్న రోజుల్లో.. మరింత పోటీ..

రానున్న రోజులు క్రాక్ సినిమాకు చాలా కీలకం కానున్నాయి. హిట్ టాక్ అయితే అందుకుంది కాబట్టి కలెక్షన్స్ ఇదే ఫ్లోలో ఉంటే వారంలోనే మంచి లాభాలను అందుకునే ఛాన్స్ ఉంటుంది. ఇక బుధవారం మాస్టర్ సినిమా విడుదల కానుండగా ఆ తరువాత రోజు రెడ్, అల్లుడు అదుర్స్ సినిమాలు రానున్నాయి. మరి ఈ పోటీలో మాస్ రాజా సినిమా ఎంతవరకు నిలదొక్కుకుంటుందో చూడాలి.