ఐఫా ఉత్సవం: మోస్ట్ పాపులర్ ఫోటో మూమెంట్స్

By Bojja Kumar

Updated: Thursday, January 28, 2016, 14:50 [IST]

హైదరాబాద్: తొలిసారిగా సౌత్‌‌లో నిర్వహించిన ‘ఐఫా ఉత్సవం' ఊహించిన దానికంటే ఎక్కువగానే గ్రాండ్ సక్సెస్ అయింది. తెలుగు, తమిళం, కన్నడ, మళయాలం చిత్ర పరిశ్రమలకు సంబంధించి స్టార్స్ అంతా ఈ ఉత్సవంలో మెరిసారు. తెలుగు పరిశ్రమ నుండి చిరంజీవి, నాగార్జున, బాలకృష్ణ, వెంకటేష్, మహేష్ బాబు లాంటి స్టార్స్ రావడంతో ఉత్సవం మరింత కలర్ ఫుల్ గా మారింది. ఇక తెలుగు స్టార్స్ రామ్ చరణ్, అఖిల్ డాన్స్ పెర్పార్మెన్స్ ఐఫా ఉత్సవానికే హైలెట్ గా నిలిచింది.

ఐఫా ఉత్సవానికి సంబంధించిన మరిన్ని ఫోటోలు, వార్తలు

ఐఫా గ్రీన్ కార్పెట్‌పై హీరోయిన్ల సెక్సీ సోయగాల ప్రదర్శన ఐఫా ఉత్సవానికి గ్లామర్ సొగబులు అద్దినట్లయింది. ఈ వేడుకకు హాజరైన ప్రముఖులు ఒకరినొకరు పలకరించుకున్నారు. ఉత్సవం ముగిసిన కలిసి సెల్ఫీలు దిగారు. వీటిని సోషల్ మీడియాలో షేర్ చేయడంతో వైరల్ లా వ్యాపించాయి.

ఈ వేడుకలో తెలుగు విభాగంలో మహేష్ బాబు శ్రీమంతుడు చిత్రానికిగాను ఉత్తమ నటుడిగా అవార్డు అందుకున్నారు. ఇదే చిత్రంలో హీరోయిన్ గా నటించిన శృతి హాసన్ ఉత్తమ నటి అవార్డు అందుకోవడం విశేషం. మొత్తం 12 క్యాటగిరీల్లో శ్రీమంతుడు 6 అవార్డులు సొంతం చేసుకోగా... బాహుబలి చిత్రం ఉత్తమ చిత్రం, ఉత్తమ దర్శకుడుతో సహా ఐదు అవార్డులు సొంతం చేసుకుంది. భలే భలే మగాడివోయ్ చిత్రానికి గాను వెన్నెల కిషోర్ బెస్ట్ కమెడియన్ అవార్డు అందుకున్నారు.

తెలుగు విభాగం అవార్డుల కార్యక్రమానికి అల్లు శిరీష్, రెజీనా, నవదీప్ హోస్ట్ గా వ్యవహరించారు. ఈ ముగ్గురూ తమ వ్యాఖ్యానంతో ఆకట్టుకున్నారు. ఐఫా ఉత్సవానికి సంబంధించిన కార్యక్రమాలు త్వరలోనే టీవీలో ప్రసారం కానున్నాయి. స్లైడ్ షోలో ఐఫా ఉత్సవంలో మోస్ట్ పాపులర్ ఫోటో మూమెంట్స్‌కు సంబంధించిన దృశ్యాలు...