Don't Miss!
- Technology ధర రూ.17999 కే 108MP కెమెరా, 6000mAh బ్యాటరీ, 6.78 అంగుళాల డిస్ప్లే 5G స్మార్ట్ఫోన్..!!
- News గంటా Vs అవంతి, బిగ్ ఫైట్ - గురు శిష్యుల్లో గెలిచేదెవరు..!?
- Finance Insurance Company: ఈ శని, ఆదివారాలు తెరిచి ఉండనున్న బీమా కంపెనీలు..
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
NTR30: ఎన్టీఆర్, కొరటాల శివ కెరీర్లోనే హెయ్యెస్ట్ బడ్జెట్.. సినిమాలో అగ్ర నటీనటులు కూడా..
టాలీవుడ్ ఇండస్ట్రీలో పాన్ ఇండియా ప్రాజెక్తులు ఏడాదికి రెండు మూడు వచ్చేలా ఉన్నాయి. మన అగ్ర హీరోలు ఏ మాత్రం తగ్గకుండా ఒకదాని తరువాత మరొక సినిమాను లైన్ లో పెడుతున్నారు. ఇక బడ్జెట్ విషయంలో కూడా అస్సలు తగ్గడం లేదు. ఎన్టీఆర్ 30వ సినిమా కోసం మైండ్ బ్లోయింగ్ అనేలా బడ్జెట్ కేటాయించినట్లు తెలుస్తోంది. అంతే కాకుండా నటీనటులు విషయంలో కూడా పాన్ ఇండియా రేంజ్ కు తగ్గట్లుగానే ఆలోచిస్తున్నారు.
రామ్ చరణ్ తో సమానంగా
జూనియర్ ఎన్టీఆర్ ప్రస్తుతం RRR సినిమాకు ఫీనిషింగ్ టచ్ ఇస్తున్న విషయం తెలిసిందే. దర్శకధీరుడు రాజమౌళి తెరకెక్కిస్తున్న ఆ సినిమా కోసం 450కోట్ల వరకు ఖర్చు చేస్తున్నారు. రామ్ చరణ్ కూడా మరొక హీరోగా స్క్రీన్ షేర్ చేసుకుంటున్నాడు కాబట్టి అన్ని రికార్డులను కూడా సమానంగా పంచుకోవాల్సి ఉంటుంది.
మార్కెట్ ను మిస్ చేసుకోవద్దని..
RRR లాంటి సినిమా తరువాత రాబోయే ప్రాజెక్ట్ అంతకు మించి అనేలా ఉండకపోయినా కూడా పాన్ ఇండియా మార్కెట్ ను మళ్ళీ మిస్ చేసుకోవద్దని తారక్ చేస్తున్న ప్లాన్స్ అన్ని ఇన్ని కావు. ఇప్పటికే త్రివిక్రమ్ సినిమాను కూడా త్యాగం చేయాల్సి వచ్చింది. మొత్తానికి కొరటాల శివ అయితే మరొక మంచి సందేశంతో హై వోల్టేజ్ కథను రాసుకున్నాడు.
బడ్జెట్ మొత్తం ఎంతంటే..
ఎన్టీఆర్ 30వ సినిమాకు మొదట 100కోట్ల వరకు ఖర్చవుతుందని అనుకున్నారట. కానీ ఎప్పుడైతే సినిమాను పాన్ ఇండియా లెవెల్లో తెరకెక్కించాలని అనుకున్నారో బడ్జెట్ కూడా అమాంతంగా పెరిగిపోయింది. దాదాపు 200కోట్ల వరకు ఖర్చు చేసేందుకు సిద్ధమైనట్లు సమాచారం. దర్శకుడు కొరటాల శివ పర్ఫెక్ట్ ప్లాన్ తో సిద్ధమవుతున్నట్లు సమాచారం.
అందుకే బడ్జెట్ అలా సెట్టయ్యింది
ఇక సినిమాను కొరటాల శివ స్నేహితుడు సుధాకర్ మిక్కిలినేనితో పాటు కళ్యాణ్ రామ్ సంయుక్తంగా నిర్మిస్తున్న విషయం తెలిసిందే. ఎన్టీఆర్ కూడా ముందే రెమ్యునరేష్ తీసుకోకుండా బిజినెస్ జరిగిన తరువాత వాటాలు తీసుకునేలా అగ్రిమెంట్ సెట్ చేసుకున్నట్లు సమాచారం. కొరటాల శివ కూడా దాదాపు అదే తరహాలో ఒప్పందం చేసుకోవడంతో సినిమా బడ్జెట్ విషయంలో ఏ మాత్రం రాజీపడడం లేదని సమాచారం.
అగ్ర నటీనటులను..
ఇక ఎన్టీఆర్ సినిమా కోసం దర్శకుడు కొరటాల శివ నెవర్ బిఫోర్ అనేలా అగ్ర నటీనటులను దింపనున్నట్లు సమాచారం. ఇదివరకే వీరి కాంబినేషన్ లో వచ్చిన జనతా గ్యారేజ్ సినిమాలో మోహన్ లాల్ వంటి యాక్టర్ ను సెలెక్ట్ చేసుకున్నారు. ఇక ఇప్పుడు అంతకంటే హై రేంజ్ లో ఆలోచించినా కూడా ఆశ్చర్యపోవాల్సిన అవసరం లేదు. మరి కొరటాల అభిమానుల అంచనాలను ఎంతవరకు అందుకుంటాడో చూడాలి.