Oke Oka Jeevitham Collections: శర్వానంద్ మూవీకి షాకింగ్ కలెక్షన్స్.. హిట్ టాక్‌తో ఇలాంటి వసూళ్లా!

ఒకే ఒక జీవితం అంటోన్న శర్వా

శర్వానంద్ - శ్రీ కార్తీక్ కాంబినేషన్‌లో వచ్చిన చిత్రమే 'ఒకే ఒక జీవితం'. రీతూ వర్మ హీరోయిన్‌గా నటించిన ఈ చిత్రంలో అమల, ప్రియదర్శి, వెన్నెల కిశోర్, నాజర్‌లు కీలక పాత్రలు చేశారు. ఈ చిత్రాన్ని డ్రీమ్ వారియర్ పిక్చర్స్ బ్యానర్‌పై ఎస్ఆర్ ప్రభు నిర్మించారు. జాక్స్ బిజాయ్ ఈ మూవీకి సంగీతం అందించారు. ఈ సినిమా తెలుగు, తమిళ భాషల్లో ఒకేసారి విడుదల అయింది.

థియేట్రికల్ బిజినెస్ వివరాలివే

తెలుగు రాష్ట్రాల్లో శర్వానంద్‌కు పెద్దగా మార్కెట్ లేదు. దీనికితోడు ఈ మధ్య హిట్లు కూడా లేవు. దీంతో 'ఒకే ఒక జీవితం' మూవీకి తెలుగు రాష్ట్రాల్లో రూ. 6.50 కోట్లు బిజినెస్ జరిగింది. అలాగే, కర్నాటక ప్లస్ రెస్టాఫ్ ఇండియా, ఓవర్సీస్‌లలో కలిపి రూ. 1.00 కోట్లు వ్యాపారం జరిగింది. ఫలితంగా ప్రపంచ వ్యాప్తంగా ఈ సినిమా రూ. 7.50 కోట్ల బిజినెస్ జరిగినట్లు ట్రేడ్ వర్గాలు తెలిపాయి.

మంచి టాక్‌తో.. ఆదరణ మాత్రం

ఏమాత్రం అంచనాలు లేకుండానే 'ఒకే ఒక జీవితం' మూవీ శుక్రవారమే ప్రేక్షకుల ముందుకు వచ్చేసింది. టైం ట్రావెల్ అండ్ ఎమోషనల్ సబ్జెక్టుతో రూపొందిన ఈ చిత్రానికి ఓవరాల్‌గా ఆరంభంలోనే మంచి టాక్ వచ్చింది. కానీ, స్పందన మాత్రం అంతంతగానే వచ్చిందని చెప్పొచ్చు. దీంతో ఈ సినిమాకు తొలి రోజు కలెక్షన్లు పెద్దగా వచ్చే అవకాశం లేదన్న టాక్ వినిపించింది.

తెలుగు రాష్ట్రాల్లో వసూళ్లు ఇలా

చాలా కాలంగా శర్వానంద్ సరైన సక్సెస్ కోసం వేచి చూస్తున్నాడు. ఇలాంటి పరిస్థితుల్లోనే అతడు సైన్స్ ఫిక్షన్ జోనర్‌లో చేసిన సినిమానే 'ఒకే ఒక జీవితం'. క్రేజీ సబ్జెక్టుతో వచ్చిన ఈ చిత్రానికి తొలి రోజు తెలుగు రాష్ట్రాల్లో ఆశించిన స్థాయిలో స్పందన రాలేదు. దీంతో ఈ మూవీకి ఆంధ్రప్రదేశ్, తెలంగాణలో కలిపి ఓపెనింగ్ డేన కేవలం రూ. 75 లక్షలు షేర్ మాత్రమే వచ్చింది.

ప్రపంచ వ్యాప్తంగా ఎంతొచ్చింది

ఏపీ, తెలంగాణలో తొలిరోజు రూ. 75 లక్షలు మాత్రమే వసూలు చేసిన 'ఒకే ఒక జీవితం' మూవీ.. ప్రపంచ వ్యాప్తంగానూ పెద్దగా రాణించలేకపోయింది. ఫలితంగా కర్నాటక, రెస్టాఫ్ ఇండియా, తమిళ వెర్షన్లు కలిపి రూ. 10 లక్షలు, ఓవర్సీస్‌లో రూ. 45 లక్షలు మాత్రమే కలెక్ట్ చేసింది. దీంతో తొలి రోజు ఈ సినిమాకు ప్రపంచ వ్యాప్తంగా రూ. 1.30 కోట్లు షేర్‌ మాత్రమే వసూలైంది.

టార్గెట్ ఎంత? ఇంకెంత రావాలి

శర్వానంద్ హీరోగా శ్రీ కార్తీక్ తెరకెక్కించిన 'ఒకే ఒక జీవితం' మూవీకి అంచనాలు లేకపోవడంతో ప్రపంచ వ్యాప్తంగా రూ. 7.50 కోట్లు మేర బిజినెస్ జరిగినట్లు ట్రేడ్ వర్గాలు తెలిపాయి. దీంతో బ్రేక్ ఈవెన్ టార్గెట్ రూ. 8 కోట్లుగా నమోదైంది. ఇక, ఈ సినిమా మొదటి రోజు కేవలం రూ. 1.30 కోట్లు వసూలు చేసింది. అంటే మరో రూ. 6.70 కోట్లు వస్తేనే ఇది హిట్ చిత్రంగా నిలుస్తుంది.

రెండో రోజు నుంచి సత్తా చాటేలా

టైం ట్రావెల్ కథతో ఎమోషనల్‌గా తెరకెక్కిన 'ఒకే ఒక జీవితం' మూవీకి టాక్‌తో పాటు రివ్యూలు కూడా పాజిటివ్‌గానే వచ్చాయి. కానీ, ప్రేక్షకుల నుంచి స్పందన మాత్రం అనుకున్న రేంజ్‌లో రాలేదు. దీంతో మొదటి రోజు కలెక్షన్లు ఆశించిన రీతిలో దక్కలేదు. అయితే, రెండో రోజు ఈ చిత్రానికి స్పందన పెరిగే అవకాశం ఉంది. దీంతో కలెక్షన్లు భారీగా రావొచ్చని అంటున్నారు.