రజనీ, చిరులకు పవన్ కల్యాణ్ చెక్.. రికార్డుల జోరు..

కాటమరాయుడు‌ టీజర్@80 లక్షలు

విడుదలకు ముందే ఎంతో క్రేజ్‌ను కాటమరాయుడు సంపాదించుకున్నది. ఈ చిత్ర టీజర్ ఓ అరుదైన రికార్డును అధిగమించింది. ఇటీవల రిలీజైన కాటమరాయుడు టీజర్‌ను యూట్యూబ్‌లో దాదాపు 80 లక్షల మంది వీక్షించారు. ఇది టాలీవుడ్‌లో ఓ రికార్డు.

రెండువారాల క్రితం యూట్యూబ్లో..

యూట్యూబ్‌లో వెల్లడైన ప్రకారం రెండు వారాల క్రితం కాటమరాయుడు టీజర్‌ను 7,786,472 మంది వీక్షించారు. ఆ సంఖ్య దాదాపు 80 లక్షలకు చేరుకోవచ్చని అంచనా. ఇది దక్షిణాది చిత్ర పరిశ్రమలో రికార్డుగా అభివర్ణిస్తున్నారు.

రజనీ, చిరులకు పవన్ కల్యాణ్ చెక్

కాటమరాయుడుకు ముందు అగ్రస్థానంలో చిరంజీవి నటించిన ఖైదీ నంబర్ 150 సినిమా టీజర్ ఉండేది. ఈ టీజర్‌ను దాదాపు 71 (7.1 మిలియన్స్) లక్షల మంది చూశారు. దానికంటే ముందు రజనీకాంత్ నటించిన కబాలి చిత్ర టీజర్‌ను 66 లక్షల మంది అంటే 6.6 మిలియన్ల మంది వీక్షించారు. ప్రస్తుతం ఈ రికార్డులను పవన్ కల్యాణ్ అధిగమించాడు.

మార్చి 29 కాదు.. 24 తేదీనే కాటమరాయుడు

కాట‌మ‌రాయుడు చిత్రాన్ని మార్చిలో విడుద‌ల చేసేందుకు కార్యాచరణ రూపొందిస్తున్నారు. వాస్తవంగా ఈ చిత్రాన్ని మార్చి 29న విడుదల చేయాలని నిర్ణయించారు. అయితే ఆ తేదీ కంటే ముందే విడుదల చేయాలని నిర్ణయించినట్టు సమాచారం. ఈ చిత్రాన్ని మార్చి 24న విడుదల చేసేందుకు అన్ని ఏర్పాట్లు చేస్తున్నారు.