బాలీవుడ్‌కు పవన్ షాక్.. రికార్డులు.. సునామీ వేగం

బాలీవుడ్‌‌కు షాకిచ్చిన పవర్ స్టార్

కాటమరాయుడు లభిస్తున్న హిట్స్ చూసి బాలీవుడ్‌ పరిశ్రమ కూడా నివ్వెరపోతున్నది. పవర్ స్టార్‌కు ఉన్న ఇమేజ్‌ను చూసి హిందీ నటులు ఆశ్చర్యపోతున్నారు. కాటమరాయుడు టీజర్ దూకుడును చూసి బాలీవుడ్ సూపర్ స్టార్ సల్మాన్ ఖాన్ కూడా ముక్కున వేలు వేసుకొన్నాడట. అదే విషయంపై స్వయంగా సల్మాన్ స్పందించారట.

యూట్యూబ్‌లో కాటమరాయుడు ప్రభంజనం ఇలా..

కాటమరాయుడు చిత్రానికి సంబంధించిన టీజర్‌ను శనివారం సాయంత్రం 4 గంటలకు యూట్యూబ్‌లో ఆవిష్కరించారు. కేవలం 10 నిమిషాల్లోనే 20 వేల హిట్స్ సాధించింది. ఆ తర్వాత అదే దూకుడు కొనసాగించింది. తెలుగు సినీ పరిశ్రమలో 24 గంటల్లో 30 లక్షల హిట్స్ తో ఉన్న రికార్డును అధిగమించింది. మూడు రోజుల వ్యవధిలోనే 50 లక్షల హిట్స్‌ను ఈ టీజర్ సొంతం చేసుకొన్నది.

విడుదలైన కొద్ది గంటల్లోనే రికార్డుల పరంపర

తొలి రెండు గంటల్లోనే - 10 లక్షలు
5.5 గంటల్లో - 20 లక్షలు
24 గంటల్లో - 30 లక్షలు
36 గంటల్లో - 40 లక్షలు
57 గంటల్లో - 50 లక్షలు

స్క్రీన్ ప్రజెన్స్ స్పెషల్ ఎఫెక్ట్

ఈ టీజర్ కాటమరాయుడి చిత్రం గురించి పెద్దగా ప్రస్తావన లేదు. కానీ పవన్ కల్యాణ్ స్క్రీన్ ప్రజెన్స్ ఆకట్టుకొనేలా ఉంది. పవర్ స్టార్ చెప్పిన పవర్ ఫుల్‌గా చెప్పిన డైలాగ్ అదరగొట్టింది. ఆట, పాట అభిమానుల్లో హుషారెత్తించింది. ఫైట్స్ దుమారం రేపింది. టోటల్‌గా ఈ టీజర్ ఫ్యాన్స్‌కు ఫుల్ మీల్స్ పెట్టింది.

తమిళంలో అజిత్.. తెలుగులో పవన్

తమిళంలో సూపర్ డూపర్ హిట్ అయిన వీరం చిత్రానికి ఇది రీమేక్. వీరంలో తలా అజిత్ కుమార్ నటించగా.. అదే పాత్రను తెలుగులో పవన్ షోషిస్తున్నారు. పవన్ సరసన్ శృతిహాసన్ నటిస్తున్నది. పవన్ తో శృతి నటించడం ఇది రెండోసారి. ఇంకా ఈ చిత్రంలో కాటమరాయుడి సోదరులుగా శివ బాలాజీ, అజయ్, కమల్ కామరాజు, చైతన్య కృష్ణ నటిస్తున్నారు.

ఉగాదికి రాయుడు ముస్తాబు

కాటమరాయుడు ఫిబ్రవరి నెల చివరికల్లా షూటింగ్ పూర్తి చేసుకోనున్నది. అనంతరం పోస్ట్ ప్రొడక్షన్ కార్యక్రమాలు పూర్తి చేసుకొని ఉగాదికి విడులయ్యేందుకు ముస్తాబవుతున్నది. ఈ మధ్యలోనే అంగరంగ వైభవంగా ఆడియోను విడుదల చేసేందుకు ఏర్పాట్లు చేస్తున్నారు. ఈ చిత్రానికి కిషోర్ పార్థసాని (డాలీ) దర్శకత్వం వహిస్తుండగా, శరత్ మరార్ నిర్మాత వ్యవహరిస్తున్నారు.