PelliSandaD 1st Week collections: వారంలోనే అన్ని కోట్లు.. హిట్‌కు కొన్ని లక్షల దూరంలోనే పెళ్లిసందD

‘పెళ్లిసందD' అంటూ వచ్చిన రోషన్

యంగ్ బాయ్ రోషన్, శ్రీలీలా జంటగా నటించిన చిత్రం 'పెళ్లిసందD'. ఈ మూవీని గౌరీ రోణంకి తెరకెక్కించారు. ఈ చిత్రంలో రాఘవేంద్రరావు కీలక పాత్రలో నటించారు. దీన్ని ఆర్కే ఫిల్మ్ అసోసియేట్స్, ఆర్కా మీడియా వర్క్స్ బ్యానర్లపై మాధవి కోవెలమూడి, శోభు యార్లగడ్డ, ప్రసాద్ దేవినేని సంయుక్తంగా నిర్మించారు. ఈ మూవీకి ఎమ్ఎమ్ కీరవాణి దీనికి సంగీతం అందించారు.

అంచనాలు భారీగా... బిజినెస్ ఎంత?

రాఘవేంద్రరావు దర్శకత్వంలో శ్రీకాంత్ హీరోగా నటించిన 'పెళ్లి సందడి' సినిమా ఎంతటి విజయాన్ని అందుకుందో ప్రత్యేకంగా చెప్పనక్కర్లేదు. ఇప్పుడిదే టైటిల్‌లో వచ్చిన 'పెళ్లిసందD' మూవీపై అంచనాలు బాగానే ఏర్పడ్డాయి. టీజర్, ట్రైలర్‌తో అవి మరింతగా ఎక్కువయ్యాయి. అందుకే ఈ చిత్రానికి ప్రపంచ వ్యాప్తంగా రూ. 7.70 కోట్ల మేర ప్రీ బిజినెస్ జరిగినట్లు తెలిసింది.

నెగెటివ్ టాక్.. కానీ రెస్పాన్స్ మాత్రం

దసరా కానుకగా ప్రేక్షకుల ముందుకు వచ్చిన 'పెళ్లిసందD' మూవీకి ప్రేక్షకుల నుంచి నెగెటివ్ టాక్ వచ్చింది. దీనికి తోడు రివ్యూలు కూడా దారుణంగా వచ్చాయి. దీంతో ఈ సినిమా నెగ్గుకు రావడం కష్టమేనన్న టాక్ కూడా వినిపించింది. కానీ, ఆ వెంటనే ఈ చిత్రం బాగా పుంజుకుంది. ఇలా వీకెండ్‌లో భారీగా.. ఆ తర్వాత మోస్తరుగా రెస్పాన్స్‌తో పాటు కలెక్షన్లను సంపాదిస్తోంది.

ఏడో రోజు ఎక్కడ... ఎంత వచ్చింది?

'పెళ్లిసందD' మూవీకి తెలుగు రాష్ట్రాల్లో ఏడో రోజు కలెక్షన్లు తగ్గాయి. ఫలితంగా దీనికి నైజాంలో రూ. 6 లక్షలు, సీడెడ్‌లో రూ. 6 లక్షలు, ఉత్తరాంధ్రలో రూ. 4 లక్షలు, ఈస్ట్‌లో రూ. 2 లక్షలు, వెస్ట్‌లో రూ. 1.40 లక్షలు, గుంటూరులో రూ. 2 లక్షలు, కృష్ణాలో రూ. 1.80 లక్షలు, నెల్లూరులో రూ. 1 లక్షలతో.. ఏడో రోజు రూ. 24 లక్షలు షేర్, రూ. 38 లక్షలు గ్రాస్ మాత్రమే కలెక్ట్ అయింది.

ఏడు రోజులకూ కలిపి ఎంతొచ్చాయి?

నెగెటివ్ టాక్‌తోనూ మంచి ఓపెనింగ్స్ దక్కించుకున్న 'పెళ్లిసందD' మూవీ.. వారం రోజుల్లో నైజాంలో రూ. 1.65 కోట్లు, సీడెడ్‌లో రూ. 1.19 కోట్లు, ఉత్తరాంధ్రలో రూ. 74 లక్షలు, ఈస్ట్‌లో రూ. 37 లక్షలు, వెస్ట్‌లో రూ. 31 లక్షలు, గుంటూరులో రూ. 50 లక్షలు, కృష్ణాలో రూ. 34 లక్షలు, నెల్లూరులో రూ. 26 లక్షలతో.. రూ. 5.36 కోట్లు షేర్, రూ. 8.80 కోట్లు గ్రాస్‌ను వసూలు చేసింది.

ప్రపంచ వ్యాప్తంగా వచ్చిన కలెక్షన్లు?

తెలుగు రాష్ట్రాల్లో వారం రోజుల్లో రూ. 5.36 కోట్లు షేర్ రాబట్టిన 'పెళ్లిసందD' మూవీ.. కర్నాటక ప్లస్ రెస్టాఫ్ ఇండియాలో రూ. 22 లక్షలు, ఓవర్సీస్‌లో రూ. 7 లక్షలు మేర వసూలు చేసింది. దీంతో ప్రపంచ వ్యాప్తంగా ఏడు రోజుల్లో రూ. 5.65 కోట్లు షేర్, రూ. 9.40 కోట్లు గ్రాస్‌ను రాబట్టింది. తద్వారా నెగెటివ్ టాక్‌తోనూ మంచి కలెక్షన్లను అందుకుని విజయం దిశగా సాగుతోంది.

Recommended Video

Pelli SandaD Movie Success Celebrations

బ్రేక్ ఈవెన్ టార్గెట్‌కు ఎంత రావాలి?

చిన్న హీరోనే అయినా 'పెళ్లిసందD' మూవీ విశేషంగా ప్రపంచ వ్యాప్తంగా మంచి బిజినెస్ జరుపుకుంది. దీంతో అన్ని ప్రాంతాల్లో కలిపి రూ. 7.70 కోట్లు మేర వ్యాపారం జరిగింది. దీంతో బ్రేక్ ఈవెంట్ టార్గెట్ రూ. 7 కోట్లుగా నమోదైంది. ఇక, ఈ సినిమా వారం రోజుల్లో రూ. 5.65 కోట్లు వసూలు చేసింది. అంటే మరో రూ. 35 లక్షలు వసూలు చేస్తేనే హిట్ స్టేటస్‌ను అందుకుంటుంది.