50 డేస్ బాహుబలి-2: తెలుగులో ఎవరికీ అందనంత ఎత్తులో, ఇవీ లెక్కలు...!

ఇప్పటి వరకు వరల్డ్ వైడ్ కలెక్షన్

సినిమా విడుదలైన తొలి రోజే రూ. 121 కోట్లు వసూలు చేసిన రికార్డు క్రియేట్ చేసిన బాహుబలి-2 చిత్రం ఇప్పటి వరకు వరల్డ్ వైడ్ రూ. 1676 కోట్లు వసూలు చేసింది.

తెలుగులో ఎవరూ అందుకోనంత ఎత్తులో

తెలుగులో బాహుబలి చిత్రం సమీప కాలంలో ఎవరూ అందుకోలేనంత ఎత్తుకు చేరుకుంది. బాహుబలి చిత్రం ఏపీ, తెలంగాణాల్లో కలిపి దాదాపు రూ. 300 కోట్ల గ్రాస్ కలెక్ట్ చేసింది. షేర్ విషయానికొస్తే...లాస్ట్ వీకెండ్ నాటికి ఈ చిత్రం 196 కోట్లను టచ్ అయింది. ఇంకా పలు చోట్ల సినిమా విజయవంతంగా ప్రదర్శితం అవుతున్న నేపథ్యంలో 200 కోట్ల షేర్ మార్కును అందుకునే అవకాశం ఉందని అంటున్నారు ట్రేడ్ విశ్లేషకులు.

ఏపీలో రికార్డ్ కలెక్షన్

ఏపిలో బాహుబలి-2 మూవీ రికార్డు స్థాయి కలెక్షన్లు సాధించింది. 94 కోట్ల పైచిలుకు షేర్ సొంతం చేసుకుంది. ఇంత భారీ మొత్తం ఇప్పటి వరకు ఏ సినిమాకు రాలేదు.

హిందీలో రికార్డ్

హిందీలో బాహుబలి-2 మూవీ రూ. 500 కట్లు వసూలు చేసి.... ఈ మార్కును అందుకున్న తొలి హిందీ చిత్రంగా చరిత్ర సృష్టించిన సంగతి తెలిసిందే.

చైనా రిలీజ్ తర్వాత పరిస్థితి ఎలా ఉంటుందో?

అమీర్ ఖాన్ ‘దంగల్' మూవీ చైనా రిలీజ్ తర్వాత బాహుబలి-2 వసూలు చేసిన రూ. 1500 కోట్ల మార్కును దాటేసి రూ. 2000 కోట్లను అందుకున్న సంగతి తెలిసిందే. జులైలో బాహుబలి-2 చిత్రాన్ని చైనాలో విడుదల చేసేందుకు ప్లాన్ చేస్తున్నారు. చైనా రిలీజ్ తర్వాత బాహుబలి-2 చిత్రం ‘దంగల్' రికార్డును బద్దలు కొడుతుందో? లేదో? చూడాలి.