RED box office.. మొదటి రోజే అన్నికోట్లు కొల్లగొట్టిందట.. కలెక్షన్లపై రామ్ పోస్ట్ వైరల్

రామ్ స్పెషల్ ఎనర్జీ..

ఇస్మార్ట్ శంకర్ లాంటి మాస్ సినిమా తరువాత RED వంటి విభిన్న కథను ఎంచుకున్నాడు. కెరీర్‌లో మొదటి సారిగా ద్విపాత్రాభినయం వేయడంతో అందరికీ ఆసక్తి పెరిగింది. దానికి తగ్గట్టుగానే సినిమా ఉండటంతో కలెక్షన్లు ఓ రేంజ్‌లో వచ్చాయి. మొత్తంగా సంక్రాంతి బరిలో నిలిచిన అన్ని చిత్రాలకంటే రామ్ RED ముందు ఉందని తెలుస్తోంది.

మొదటి రోజే..

రామ్ RED సినిమా మొదటి రోజే 8.9 కోట్ల గ్రాస్ కొల్లగొట్టిందని సమాచారం అందింది. ఇక ఏరియా వారీగా చూస్తే.. నైజాంలో 2.04కోట్లు, సీడెడ్‌లో 1.10కోట్లు, ఉత్తరాంధ్రలో 49లక్షలు, ఈస్ట్ 36లక్షలు, వెస్ట్ 46 లక్షలు, గుంటూరు 42 లక్షలు, కృష్ణా 32 లక్షలు, నెల్లూరులో 28 లక్షలు కొల్లగొట్టింది.

లెక్కలు అలా..

RED సినిమా అలా మొత్తంగా 5.47 కోట్ల షేర్‌ను సాధించిందని ప్రాథమికంగా సమాచారం వచ్చింది. కానీ తాజాగా అసలు లెక్కలు బయటకు వచ్చాయి. RED నుంచి మొదటి రోజు లెక్కలు అఫీషియల్‌గా వచ్చేశాయి. రామ్ ఈ మేరకు ఓ పోస్టర్‌ను షేర్ చేశాడు.

అఫీషియల్ లెక్కలు ఇలా..

RED సినిమా మొదటి రోజే 6.7 కోట్ల షేర్ కొల్లగొట్టిందని ప్రకటించేశారు. ఈక్రమంలో రామ్ చేసిన వ్యాఖ్యలు వైరల్ అవుతున్నాయి. REDను ఇంత పెద్ద సక్సెస్ చేసినందుకు థ్యాంక్స్.. మాస్కులు ధరించి సినిమాను ఎంజాయ్ చేయండని కోరాడు. ఇక పోస్టర్‌పై పరిమితంగా రిలీజైంది.. కానీ ప్రేమ మాత్రం అపరిమితంగా వచ్చిందంటూ చెప్పుకొచ్చారు.

మొత్తం ఎంత కొల్లగొట్టాలంటే..

RED ప్రీ రిలీజ్ బిజినెస్ 16 కోట్లు కాగా బ్రేక్ ఈవెన్ కి 16.5 కోట్ల షేర్ ని వసూల్ చేయాల్సి ఉంటుంది. మొదటి రోజు సాధించిన కలెక్షన్స్ కాకుండా ఇప్పుడు సినిమా బాక్స్ ఆఫీస్ దగ్గర మరో... 10.45 కోట్ల షేర్‌ని సొంతం చేసుకుంటే బ్రేక్ ఈవెన్‌ని దక్కించుకుంటుంది. అంటే ఇంకో రెండు మూడు రోజులు కూడా ఇదే ఊపులో ఉంటే ఆపై వచ్చేవన్నీ లాభాలే అన్నమాట.