చిట్టి బాబు దెబ్బకు బాక్స్ ఆఫీస్‌కు బీటలు.. రంగస్థలం తొలిరోజు వసూళ్లు ఎంతంటే!

సుకుమార్ శ్రమకు దక్కిన ఫలితం

సుకుమార్ దాదాపు ఏడాది సమయం కస్టపడి ఈ చిత్రాన్ని తెరకెక్కించారు. రంగస్థలం అనే ప్రపంచాన్ని ఊహించుకుని తన కథతో ప్రాణం పోశారు. సుకుమార్ ప్రాణం పోసిన ఆ రంగస్థలమే ఇప్పుడు వెండి తెరపై అద్భుతాలు చేస్తోంది.

చిట్టిబాబు రీసౌండ్

మగధీర చిత్రంలో రాంచరణ్ పెర్ఫామెన్స్ ని ఎవరూ మరచిపోలేరు. ఆ తరువాత కూడా చరణ్ కు విజయాలు దక్కాయి. కానీ మగధీర తరువాత అంతటి విజయం రంగస్థలం చిత్రమే అని చెప్పొచ్చు. రాంచరణ్ నటన ప్రతి ఒక్క ప్రేక్షకుడిని అబ్బురపరిచే విధంగా ఉంది.

తొలి రోజు రికార్డ్ కలెక్షన్స్

అద్భుతమైన పాజిటివ్ టాక్ తో రంగస్థలం చిత్రం దూసుకుపోతోంది. రంగస్థలం చిత్ర మానియా తొలిరోజు వసూళ్ల రూపంలో కనిపిస్తోంది. బాక్స్ ఆఫీస్ దద్దరిల్లేలా రంగస్థలం చిత్రం తొలిరోజు ప్రపంచ వ్యాప్తంగా 46 కోట్ల వరకు గ్రాస్ వసూలు చేసినట్లు తెలుస్తోంది. అందులో ప్రపంచవ్యాప్తంగా 28 కోట్ల వరకు షేర్ ఉన్నట్లు తెలుస్తోంది.

లాభాల పంట

రంగస్థలం చిత్రం 80 కోట్ల వరకు ప్రీరిలీజ్ బిజినెస్ జరుపుకుంది. ఈ లెక్కన చూస్తే ఇప్పుడున్న ఊపులో మరి కొద్ది రోజుల్లోనే రంగస్థలం చిత్రం డిస్ట్రిబ్యూటర్స్ కు లాభాల పంట పండించడం ఖాయం.