అత్యాసే..: 'సన్నాఫ్ సత్యమూర్తి' కి నష్టం తెచ్చింది...లాస్ ఎంతంటే

హైదరాబాద్ : అల్లు అర్జున్, త్రివిక్రమ్ కాంబినేషన్ లో వచ్చిన 'సన్నాఫ్ సత్యమూర్తి' చిత్రం భాక్సాఫీస్ వద్ద రేర్ ఫీట్ చేసి,కలెక్షన్స్ బాగానే రప్పించుకున్న సంగతి తెలిసిందే. యావరేజ్ టాక్ తెచ్చుకున్న ఈ చిత్రం కలెక్షన్స్ మాత్రం ఎక్కడా వెనకడుగువెయ్యక ట్రేడ్ పండితులను సైతం ఆశ్చర్యపరిచింది. ఈ చిత్రం క్లోజింగ్ కలెక్షన్స్ షేర్ చూస్తే 51.9 కోట్లు సాధించింది. అప్పటిదాకా బాగానే ఉంది... అయితే ఈ మొత్తం లాసే అంటున్నారు. దాదాపు రెండున్నర కోట్లు వరకూ నష్టం తెప్పించి ఒడ్డున పడిందని చెప్తున్నారు. రేసు గుర్రం కలెక్షన్స్ చూసి దాంతో పోల్చి ఈ ఫ్యామిలీ సినిమాని ఎక్కువ రేట్లకు కొనటమే దెబ్బ కొట్టిందని చెప్పుకుంటున్నారు. లేకపోతే అందరూ సేఫ్ గా ఓ రూపాయ తినేవారు అని చెప్పుకుంటున్నారు.

ఈ చిత్రం థియోటర్ రైట్స్ ని 54 కోట్లకు అమ్మటం జరిగింది. దాంతో వచ్చిన షేర్ 51.9 కోట్లు ఉంది. మధ్యలో రెండు కోట్లు వరకూ నష్టం కనపడింది. అయితే ఇది మొత్తం మీద కాబట్టి ఒకరికే ఈ నష్టం కనపడలేదని ట్రేడ్ లో చెప్పుకుంటున్నారు. సినిమా బాగానే కలెక్టు చేసినా, ఎక్కువ రేట్లు కు అమ్మటంతో ఈ దెబ్బ తగిలిందని అంటున్నారు. అయితే ఇలాంటి సిట్యువేషన్ లో నూ తెలుగు చిత్ర పరిశ్రమలో ఆల్ టైమ్ కలెక్షన్ లో ఈ చిత్రం ఏడవ ప్లేస్ ని ఆక్రమించింది.

సత్యమూర్తి ప్రపంచవ్యాప్త మొత్తం కలెక్షన్స్ :రూ 51.9కోట్లు( కర్ణాటక:రూ 5.80కోట్లు;తమిళనాడు:రూ 0.63కోట్లు; బారత్ లో మిగతా ప్రాంతాలు:రూ 0.72కోట్లు; ఓవర్ సీస్:రూ 5.95కోట్లు; కేరళ:రూ 1.15కోట్లు)

'రేసు గుర్రం' తర్వాత అల్లు అర్జున్, 'అత్తారింటికి దారేది' తర్వాత త్రివిక్రమ్ కలిసి చేసిన సినిమా 'సన్నాఫ్ సత్యమూర్తి'. అంతేకాదు.... 'జులాయి' సినిమా తర్వాత వీరిద్దరూ కాంబినేషన్ లో తెరకెక్కిన సినిమా కూడా ఇదే. ఈ స్దాయిలో ఎక్సపెక్టేషన్స్ తో వచ్చిన ఈ చిత్రం ఆ రేంజిని అందుకోకపోయినా ...పెట్టిన పెట్టుబడిని సంపాదించి, అల్లు అర్జున్ స్టామినా ఏంటో భాక్సాఫీస్ వద్ద ప్రూవ్ చేసింది.