హోమ్

బాక్సాఫీస్

సితారా ఎంటర్‌టైన్‌మెంట్ బ్యానర్‌పై యువ హీరో నాగశౌర్య, రీతూవర్మ జంటగా యువ నిర్మాత నాగవంశీ రూపొందించిన వరుడు కావలెను చిత్రం అక్టోబర్ 29వ తేదీన ప్రేక్షకుల ముందుకు వచ్చింది. క్లీన్ ఫ్యామిలీ ఎంటర్‌టైనర్‌గా తెరకెక్కిన ఈ చిత్రం తొలి వారాంతం వరకు మంచి రెస్పాన్స్‌ను సొంతం చేసుకొన్నది. ఆ తర్వాత బాక్సాఫీస్ వద్ద ఈ చిత్రం తడబాటును సొంతం చేసుకొన్నది. అయితే గత 18 రోజుల్లో ఈ సినిమా రాబట్టిన కలెక్షన్ల వివరాలు ఇలా ఉన్నాయి.

వరుడు కావలెను సినిమా టీజర్లు, ట్రైలర్లు ఆసక్తిని రేకెత్తించడంతో రిలీజ్‌కు ముందే భారీ బిజినెస్ సొంతం చేసుకొన్నది. దాదాపు 9 కోట్ల రూపాయల టార్గెట్‌తో బాక్సాఫీస్ ప్రయాణాన్ని స్టార్ట్ చేసింది.

నైజాంలో ఈ చిత్రం 1.35 కోట్లు, సీడెడ్‌లో 53 లక్షలు, ఉత్తరాంధ్రలో 34 లక్షలు, తూర్పు గోదావరి జిల్లాలో రూ.34 లక్షలు, పశ్చిమ గోదావరి జిల్లాలో రూ.26 లక్షలు, గుంటూరులో 38 లక్షలు, కృష్ణా జిల్లాలో 36 లక్షలు, నెల్లూరులో 22 లక్షలు వసూలు చేసింది. దాంతో ఈ చిత్రం ఏపీ, నైజాం ప్రాంతాల్లో రూ.3.88 కోట్లు నికరంగా, రూ.6.45 కోట్లు గ్రాస్ కలెక్షన్లను వసూలు చేసింది.

ఇక తెలుగు రాష్ట్రాల్లో కాకుండా.. కర్ణాటక, ఇతర రాష్ట్రాల్లో రూ.23 లక్షలు రాబట్టింది. ఓవర్సీస్‌లో రూ.1 కోటి రూపాయలు రాబట్టింది. దాంతో ఈ చిత్రం రూ.5.10 కోట్లు నికరంగా, రూ.8.75 కోట్లు గ్రాస్ కలెక్షన్లను వసూలు చేసింది. దాంతో ఈ చిత్రం సుమారు 4 కోట్ల మేర నష్టాలతో బాక్సాఫీస్ రన్‌ను ముగించింది.