‘బాబు బంగారం’ కథ ఏంటి, టాక్ ఏంటి, వెంకీ కు కలిసివస్తుందా?

By Srikanya

Published: Friday, August 12, 2016, 11:35 [IST]

హైదరాబాద్: పవన్ తో కలిసి చేసిన 'గోపాల గోపాల' చిత్రం తరువాత లాంగ్ గ్యాప్ తీసుకున్న వెంకటేష్ తాజా చిత్రం 'బాబు బంగారం' .భలే భలే మొగాడివోయ్ తో పెద్ద హిట్ కొట్టిన మారుతి దర్శకత్వంలో తెరకెక్కిన ఈ చిత్రం ఈరోజు మంచి ఎక్సపెక్టేషన్స్ విడుదలైంది. అంతా బొబ్బిలిరాజా ఈజ్ బ్యాక్ అంటూ ఎదురుచూస్తున్నారు. ఈ నేపధ్యంలో చిత్రం ఎలా ఉందో ఫస్ట్ రిపోర్ట్ చూద్దాం.

చిత్రం కథేమిటంటే.. చిత్రంలో వెంకటేష్ ఎసిపి కృష్ణ గా కనిపిస్తాడు. అతను ఓ ఐటీ ఆఫీసర్ మర్డర్ కేసుని సీక్రెట్ గా ఇన్విస్టిగేట్ చేస్తూంటాడు. ఆ మర్డర్ నిశైలజ అలియాస్ సెల్వి(నయనతార) తండ్రి మురళిశర్మ కు వీడియో రికార్డ్ చేసి,పరారీలో ఉంటాడు.

ఆ మర్డర్ చేసిన విలన్స్ మాఫియా డాన్ మల్లేష్ యాదవ్ (సంపత్ రాజ్), ఎమ్మల్యే( పోసాని) ఆయన కోసం వెతుకుతూంటారు. అంతేకాకుండా ఆ విలన్స్..నయనతారని ఇబ్బందిపెడుతూంటారు. మరో ప్రక్క శైలజ..మెస్ నడుపుతూంటుంది. ఆమె కుటుంబం మొత్తం దానిపై ఆధారపడి ఉండటంతో ఎసిపి ఆమెకు హెల్ప్ చేస్తూంటాడు.

ఇదే సమయంలో సెల్వీతో ఎసిపి ప్రేమలో పడతాడు. కానీ కేసులో భాగంగా తనతో ప్రేమ నటిస్తున్నాడని ఆమె భావించి బ్రేకప్ అవుతుంది. అప్పుడు ఏమౌతుంది..కేసుని ఎసిపి ఎలా సాల్వ్ చేసాడు, తన ప్రేమ కథను ఎలా ఓకే చేయించుకున్నాడు అనే దిశగా కథనం నడుస్తుంది.

స్లైడ్ షోలో సినిమా టాక్ ఏంటో చూద్దాం.