Varasudu Day 1 Collections: ఫస్ట్ డే షాకింగ్ కలెక్షన్లు.. దానికంటే సగమే.. దిల్ రాజు ఏరియాలో మాత్రం!

వారసుడుగా ఎంటరైన విజయ్

తమిళ స్టార్ హీరో విజయ్ నటించిన తాజా చిత్రమే 'వారసుడు'. వంశీ పైడిపల్లి తెరకెక్కించిన ఈ మూవీలో రష్మిక మందన్నా హీరోయిన్‌గా నటించింది. దీన్ని శ్రీ వెంకటేశ్వర క్రియేషన్స్, పీవీపీ బ్యానర్లపై దిల్ రాజు, శిరీష్ నిర్మించారు. ఇందులో శరత్‌కుమార్, ప్రభు, ప్రకాశ్ రాజ్, కుస్భూ, జయసుధ తదితరులు కీలక పాత్రలు చేశారు. ఈ చిత్రానికి ఎస్ థమన్ సంగీతాన్ని సమకూర్చాడు.

విజయ్ మూవీ బిజినెస్ డీటేల్స్

విజయ్ మార్కెట్‌కు తోడు 'వారసుడు' మూవీపై నెలకొన్న అంచనాల ప్రకారం.. ఈ చిత్రం నైజాంలో రూ. 5 కోట్లు, సీడెడ్‌లో రూ. 2 కోట్లు, ఆంధ్రప్రదేశ్‌లోని అన్ని ఏరియాలు కలిపి రూ. 7 కోట్ల మేర బిజినెస్ జరిగింది. ఇలా తెలుగు రాష్ట్రాల్లో రూ. 14.00 కోట్ల బిజినెస్ చేసుకుంది. అందుకు తగ్గట్లుగానే ఈ సినిమాను బడా ప్రొడ్యూసర్ దిల్ రాజు ఎంతో గ్రాండ్‌గా విడుదల చేశారు.

అలాంటి టాక్... వసూళ్లు ఇలా

ఎన్నో అంచనాల నడుమ రూపొందిన 'వారసుడు' మూవీ జనవరి 14వ తేదీన ప్రేక్షకుల ముందుకు వచ్చేసింది. ఈ మూవీ తమిళ వెర్షన్‌కు ప్రపంచ వ్యాప్తంగా అన్ని ఏరియాల్లోనూ మిక్స్‌డ్ టాక్ మాత్రమే వచ్చింది. తెలుగులోనూ అదే రిపీట్ అయింది. దీంతో ఈ సినిమాకు అనుకున్న విధంగా ఓపెనింగ్ డేన కలెక్షన్లు వచ్చే అవకాశం లేదని ట్రేడ్ విశ్లేషకులు అంచనా వేశారు.

తొలి రోజు ఎక్కడ? ఎంతొచ్చింది

'వారసుడు'కు తెలుగు రాష్ట్రాల్లో ఫస్ట్ డే అనుకున్న రేంజ్‌లో స్పందన దక్కలేదు. ఫలితంగా నైజాంలో రూ. 1.40 కోట్లు, సీడెడ్‌లో రూ. 45 లక్షలు, ఉత్తరాంధ్రాలో రూ. 40 లక్షలు, ఈస్ట్‌లో రూ. 18 లక్షలు, వెస్ట్‌లో రూ. 17 లక్షలు, గుంటూరులో రూ. 18 లక్షలు, కృష్ణాలో రూ. 19 లక్షలు, నెల్లూరులో రూ. 13 లక్షలతో కలిపి రూ. 3.10 కోట్లు షేర్, రూ. 5.80 కోట్లు గ్రాస్ వచ్చింది.

హిట్ అవ్వాలంటే ఎంత రావాలి

కోలీవుడ్ స్టార్ హీరో విజయ్ నటించిన 'వారసుడు' మూవీకి అంచనాలకు అనుగుణంగానే తెలుగు రాష్ట్రాల్లో రూ. 14.00 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 15.00 కోట్లుగా నమోదైంది. ఇక, తొలి రోజు దీనికి రూ. 3.10 కోట్లు వచ్చాయి. అంటే మరో రూ. 11.93 కోట్లు రాబడితేనే ఈ సినిమా క్లీన్ హిట్‌గా నిలుస్తుంది.

ఆ మూవీలో సగం మాత్రమే

దిల్ రాజు నిర్మాణంలో విజయ్ నటించిన 'వారసుడు' మూవీకి మొదటి రోజు తెలుగు రాష్ట్రాల్లో రూ. 3.10 కోట్లు షేర్ మాత్రమే వచ్చింది. దీంతో ఇది ఈ కోలీవుడ్ హీరో కెరీర్‌లో మూడో బెస్ట్ ఓపెనింగ్‌గా నిలిచింది. విజయ్ నటించిన 'మాస్టర్' ఏకంగా రూ. 6.01 కోట్లు వసూలు చేసింది. అలాగే, 'బీస్ట్' రూ. 4.81 కోట్లు రాబట్టింది. వీటి కంటే వారసుడికి తక్కువ వచ్చాయి.