Home

Box office

విశాల్, తమన్నా జంటగా తెరకెక్కిన యాక్షన్ సినిమా ఈ శుక్రవారం (నవంబర్ 15వ తేదీ) ప్రేక్షకుల ముందుకొచ్చిన సంగతి తెలిసిందే. 'అభిమన్యుడు', 'పందెం కోడి 2' లాంటి హిట్స్ తర్వాత విశాల్ నుంచి వచ్చిన మూవీ కావడంతో ఈ సినిమాకు హైప్ క్రియేట్ అయింది. ఈ నేపథ్యంలో రెండు రోజుల రన్ పూర్తిచేసిన యాక్షన్ ఎంత రాబట్టిందంటే.

యాక్షన్ అంటూ రా ఏజెంట్ నేపథ్యంతో తెలుగు ప్రేక్షకుల ముందుకు వచ్చిన 'యాక్షన్' సినిమా ఎబో యావరేజ్ రేంజ్ టాక్ తెచ్చుకుంది. కానీ తెలుగు రాష్ట్రాల్లో కలెక్షన్స్ పరంగా ఆ ప్రభావం ఏ మాత్రం కనిపించలేదు. రెండు తెలుగు రాష్ట్రాలలో కేవలం 66 లక్షల షేర్ రాబట్టిన ఈ సినిమా రెండో రోజూ అదే బాటలో వెళ్ళింది. రెండవ రోజు కూడా సుమారు 51 లక్షల షేర్ తో సరిపెట్టుకుంది.

రెండు రోజుల్లో యాక్షన్ ఏరియావైస్ రిపోర్ట్ చూసినట్లయితే..

నైజాం - 52.5 లక్షలు

సీడెడ్ - 18.4 లక్షలు

గుంటూరు - 8.3 లక్షలు

ఉత్తరాంధ్ర - 11.2 లక్షలు

తూర్పు గోదావరి - 9.4 లక్షలు

పశ్చిమ గోదావరి - 6 లక్షలు

కృష్ణా - 8.2 లక్షలు

నెల్లూరు - 4.2 లక్షలు వచ్చాయి.

మొత్తంగా చూస్తే రెండు రోజుల్లో 1.18 కోట్లు వసూలు చేసింది యాక్షన్. విశాల్ కెరీర్లో మొదటి సారి సుమారు 55 కోట్ల బడ్జెట్ తో రూపొందించిన ఈ సినిమా తెలుగు రాష్ట్రాల్లో సుమారు 7.2 కోట్లకి అమ్ముడు పోయింది. చూడాలి మరి ఆ మార్క్ వరుకూ యాక్షన్ వెళుతుందా? లేదా.. అనేది.