మృణాల్ ఠాకూర్

బయోగ్రఫీ:  మహారాష్ట్రలోని ధూలే ఏరియాలో పుట్టిన మృణాల్ ఠాకూర్.. ముంబైలోనే తన స్కూలింగ్, కాలేజీ పూర్తిచేసింది. మాస్ మీడియాలో కోర్స్ చేసిన మృణాల్.. 2012లో ‘ముజ్ సే కుచ్ కెహెతి.. యే కామోషీయన్’ అనే టీవీ సీరియల్ ద్వారా కెరీర్ ప్రారంభించింది. ఆ తర్వాత 2014లో ‘కుంకుమ్ భాగ్య’ సీరియల్ తో మంచి గుర్తింపు దక్కించుకుని, తన మొదటి సినిమా వట్టిదండు(మరాఠీ)తో సినీ నటిగా అరంగేట్రం చేసింది. అలా 2018లో ‘లవ్ సోనియా’ అనే సినిమాతో బాలీవుడ్ లో డెబ్యూ చేసింది మృణాల్. తెలుగులో ‘సీతారామం’ సినిమాలో అవకాశం అందుకొని, సీత పాత్రలో తన నటనతో అందరి దృష్టిని తనవైపు తిప్పుకుంది. తెలుగుతో పాటు తమిళ, మలయాళం భాషలలో విడుదలైన ఈ సీతారామం మూవీ.. అన్నిచోట్లా ఫుల్ పాజిటివ్ రెస్పాన్స్ సొంతం చేసుకుంది.