రియల్ లైఫ్‌లో ఐశ్వర్యరాయ్‌కి విలన్ అతడే, అందుకే ఆ షరతు?

రియల్ లైఫ్ విలన్

ఐశ్వర్య రాయ్‌కి రియల్ లైఫ్‌లో విలన్ లాంటి వ్యక్తి ఎవరైనా ఉన్నారా? అంటే చాలా మంది చెప్పే పేరు సల్మాన్ ఖాన్. సల్మాన్ ఖాన్ లైఫ్‌లో కూడా ఐశ్వర్యరాయ్ మరిచిపోలేని పీడకల.

Recommended Video

Salman Khan Turns 51, Happy Birthday to Dabang Of Bollywood | Filmibeat Telugu

కలిసి నటించలేదు

ఒకప్పుడు ఇద్దరూ కలిసి బాలీవుడ్లో హిట్స్ కొట్టిన ఐశ్వర్యరాయ్, సల్మాన్...... బ్రేకప్ గొడవ తర్వాత కలిసి నటించింది లేదు. అయితే చాలా కాలం తర్వాత ఈ ఇద్దరినీ కలిపి సినిమా తీయాలనే ప్రయత్నం చేశారు బాలీవుడ్ ప్రముఖ దర్శకుడు సంజయ్ లీలా భన్సాలీ.

పద్మావతి కథ మొదట వీరికే..

ప్రస్తుతం దీపిక పదుకోన్, రణవీర్ సింగ్, షాహిద్ కపూర్ ప్రధాన ప్రధాన తారాగణంగా తెరకెక్కుతున్న ‘పద్మావతి' సినిమా కథను దర్శకుడు సంజయ్ లీలా భన్సాలీ మొదట ఐశ్వర్యరాయ్, సల్మాన్ ఖాన్‌లకే చెప్పారట. ఈ ఇద్దరితోనే మొదట ఈ సినిమా చేయాలనకున్నారట.

ఐశ్వర్యరాయ్ షరతు

ఈ సినిమాలో సల్మాన్ ఖాన్‌తో చేయాలని ఐశ్వర్య రాయ్‌ని దర్శకుడు కోరగా.... ఓ షరతు పెట్టింది. ఈ సినిమా చేస్తాను కానీ, సల్మాన్ ఇందులో విలన్ అల్లావుద్దీన్ ఖిల్జీ పాత్ర చేస్తేనే తాను పద్మావతి రోల్ చేస్తానని షరతు పెట్టిందట.

నో చెప్పిన సల్మాన్

ఐశ్వర్యరాయ్ పెట్టిన షరతు గురించి సల్మాన్ ఖాన్‌ను చెప్పగా..... ఐశ్వర్యరాయ్ సినిమాలో తాను విలన్ పాత్ర అస్సలు చేయను అని తేల్చి చెప్పాడట. అలా ఈ ఇద్దరూ ఆ ప్రాజెక్టు నుండి తప్పుకున్నట్లు బాలీవుడ్లో ప్రచారం జరుగుతోంది.

పద్మావతి

ప్రస్తుతం ‘పద్మావతి' దీపిక పదుకోన్, షాహిద్ కపూర్, రణవీర్ సింగ్ ప్రధాన పాత్రల్లో తెరకెక్కుతోంది. ఈ చిత్రంలో దీపిక టైటిల్ రోల్ రాణి పద్మావతి పాత్ర పోషిస్తుండగా, షాహిద్ కపూర్ రావల్ రతన్ సింగ్ పాత్రలో, రణవీర్ సింగ్ అల్లావుద్దీన్ ఖిల్జీ పాత్రలో కనిపించబోతున్నారు.

భారీ బడ్జెట్

రూ. 160 కోట్లకుపైగా భారీ బడ్జెట్‌తో ఈ చిత్రం తెరకెక్కుతోంది. ఈ చిత్రం షూటింగ్ చివరి దశకు చేరుకుంది. ఈ ఏడాది నవంబర్ 17న రిలీజ్ చేసేందుకు ప్లాన్ చేస్తున్నారు.