హోమ్

గాసిప్స్

హైదరాబాద్ : టీవీ షోలు, ఆడియో ఫంక్షన్స్‌ వంటి కార్యక్రమాల్లో యాంకరింగ్ చేస్తూ బిజీగా కనిపించే అనసూయ, ఒక్కసారిగా సోగ్గాడే లో కనిపించి రెచ్చిపోయి ఇండస్ట్రీకి షాక్ ఇచ్చింది. ఆ తర్వాత పీవీపీ సినిమా పతాకంపై తెరకెక్కించిన 'క్షణం' చిత్రంలో పోలీసు అధికారిణి పాత్రలో అదరకొట్టింది. దాంతో ఆమెకు ఆఫర్స్ వరస పెట్టి ఆమెను వెతుక్కుంటూ వస్తున్నాయి.

అనసూయ ఫోటో గ్యాలెరీ

అయితే ఆమె ఆచితూచి అడుగులు వేస్తోంది. ఏ సినిమా పడితే ఆ సినిమా ఒప్పుకోవటం లేదని సమాచారం. తాజాగా ఆమె పీవీపి బ్యానర్ లోనే రూపొందనున్న మరో చిత్రం కమిటైందని సమాచారం.

Also Read: నమ్మని నిజం : వీళ్ళంతా టీవి నుంచి తెలుగు సినిమాల్లోకి వచ్చినవాళ్లే

అందుతున్న సమాచారం ప్రకారం ఇదొక యాక్షన్ ఓరియెంటెడ్ చిత్రం అని తెలుస్తోంది. ఇప్పటికే దర్శకుడు, కథ ఫైనలైజ్ అయ్యాయని, ఈ మేరకు అనసూయకు ఓ భారీ మొత్తాన్నేఆఫర్ చేసినట్లు చెప్పుకుంటున్నారు.

ఇప్పుడిప్పుడే వెండితెరపై అడుగులు వేస్తోన్న అనసూయకు, ఎదిగేందుకు పివిపి వంటి స్టార్ బ్యానర్ తో ముందుకు వెళ్ళటం ఫెరఫెక్ట్ ఛాయిస్ అంటున్నారు. రాబోయే సినిమాలో ఖచ్చితంగా మిగతా హీరోయిన్లకు తీసుపోని రీతిలో ఆమె దుమ్ముదులపనుందని అంటున్నారు.

ఈ సినిమా కూడా వర్కవుట్ అయితే అటు అంజలి, ఇటు కలర్స్ స్వాతి, తన తోటి యాంకర్ రేష్మిలకు గట్టి పోటి ఇస్తున్నట్లే. వాళ్ల ఛాన్స్ లు ఆమె ఎగరేసుకుపోయినా ఆశ్చర్యం లేదని ట్రేడ్ వర్గాల్లో వినిపిస్తోంది. బెస్టాఫ్ లక్ అనసూయ.