హోమ్

గాసిప్స్

నాగచైతన్య, దేవకట్టా కాంబినేషన్ లో 'ఆటోనగర్ సూర్య' అనే టైటిల్ తో ఓ చిత్రం ప్రకటించిన సంగతి తెలిసిందే. అయితే ఇప్పుడా చిత్రం టైటిల్ ని 'ఆటోనగర్ శివ' గా మార్చినట్లు విశ్వసనీయ సమాచారం. నాగచైతన్య తండ్రి నాగార్జున నటించిన శివ చిత్రం సాధించిన సంచలన విజయం దృష్టిలో పెట్టుకుని ఈ టైటిల్ ని మార్చినట్లు తెలుస్తోంది. ఇక ఈ చిత్రంలో నాగచైతన్య విజయవాడ ఆటో నగర్ ఏరియాకు చెందిన రౌడీగా కనపించనున్నారు. ఈ చిత్రంలో నాగచైతన్య పాత్ర అయాన్ రాండ్ పాపులర్ నవల..ది పౌంటెన్ హెడ్ లోని హోవర్డ్ రోర్క్ పాత్రను పోలి ఉంటుందని దేవకట్టా చెప్తున్నారు. ఆయన ఈ విషయమై ట్వీట్ చేస్తూ...ఆటోనగర్ సూర్య పాత్ర హోవర్డ్ రోర్క్ పాత్రకు స్క్రీన్ పై యాక్షన్ వెర్షన్. ఎలక్ట్రికల్ బల్బ్ అనేది ఎంత పాజిబులో..హోవర్డ్ రోర్క్ అనే పాత్ర భూమిపై అంతే సహజం. మనందరిలోనూ ఆ పాత్ర ఉంది అన్నారు. ఇక ఆ పాత్ర చాలా ఐడియలిస్ట్ గా ఉంటూ తాను నమ్మిన విలువలకు దేనికీ కాంప్రమైజ్ కాకుండా ఏం జరిగినా ఫరవాలేదు అన్న కోణంలో ముందుకెళ్తూంటాడు. ఇక ఈ చిత్రం బెజవాడ నేఫధ్యంలో జరిగుతుందని ఓ మాస్ ఎంటర్టైనర్ గా చిత్రాన్ని రూపొందించనున్నారని వినికిడి. ఇప్పటికే ఆటో నగర్ సూర్యగా దేవకట్టా విడుదల చేసిన ఆడియో టీజర్ అందరనీ ఆకట్టుకుంది. ఈ చిత్రానికి నిర్మాత: కె.అచ్చిరెడ్డి, కథ, స్క్రీన్‌ప్లే, దర్శకత్వం: దేవాకట్టా.