Don't Miss!
- Sports ధోనీ సార్ ధోనీ.. అంతే: సౌండ్ లెవెల్ ఏ రేంజ్లో ఉందంటే..
- News ఏపీలో తీవ్ర వడగాల్పులు: అప్రమత్తంగా ఉండక తప్పదు
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
మహేంద్ర బాహుబలిగా ఈ చిన్నారి ఎవరో తెలుసా?.. సోషల్ మీడియాలో హల్చల్..
బాహుబలి ది బిగినింగ్ చిత్రంలో ఆరంభంలోనే కనిపించే సన్నివేశం అదరగొట్టేసింది. మహేంద్ర బాహుబలి ప్రాణాలను రక్షించడం కోసం రాజమాత శివగామి ప్రాణత్యాగానికి సిద్ధపడటం తెరపై ప్రేక్షకుడిని కట్టిపడేసింది.
బాహుబలి ది బిగినింగ్ చిత్రంలో ఆరంభంలోనే కనిపించే సన్నివేశం అదరగొట్టేసింది. మహేంద్ర బాహుబలి ప్రాణాలను రక్షించడం కోసం రాజమాత శివగామి ప్రాణత్యాగానికి సిద్ధపడటం తెరపై ప్రేక్షకుడిని కట్టిపడేసింది. నదీ ప్రవాహంలో శివగామి మునిగిపోతూ ఓ చేతిలో పసిబిడ్డను పైకెత్తే సీన్ బాహుబలి సిరీస్కే హైలెట్ అని అంటే అతిశయోక్తి కాదేమో. ఆ చిన్నారిని రక్షించిన గిరిజన తెగకు చెందిన కొందరు పెంచి పెద్ద చేసి శివుడు అని పేరు పెట్టుకోవడం తెలిసిందే. ఆ పసిపాపకు సంబంధించిన చిత్రాలు ప్రస్తుతం సోషల్ మీడియాలో వైరల్గా మారాయి.
శివగామి చేతిలో..
శివగామి చేతిలో కనిపించిన చిన్నారి ముద్దు ముద్దుగా కనిపించింది. ఆ పాప అమ్మాయి అనే విషయం తాజాగా వెలుగులోకి వచ్చింది. ఆ పాపనే పెరిగి శివుడు అలియాస్ మహేంద్ర బాహుబలి( ప్రభాస్)గా మారే సంగతి తెలిసిందే. ఆ చిత్రంలో కీలక సన్నివేశంలో కనిపించిన పాప ఎవరు అనే ప్రశ్న వెంటాడుతున్నది. తాజాగా సోషల్ మీడియాలో చక్కర్లు కొడుతున్న వార్త ప్రకారం ఆ అమ్మాయి పేరు అక్షిత వల్సాలాన్ అని వినిపిస్తున్నది.
18 రోజులపాటు షూటింగ్
బాహుబలి ది బిగినింగ్, బాహుబలి ది కన్క్లూజన్ చిత్రంలో చాలా కీలకమైన సన్నివేశాల్లో అక్షిత కనిపించింది. ఆ పాపను దాదాపు 18 రోజులపాటు షూటింగ్కు ఉపయోగించుకొన్నారట. షూటింగ్ జరిగే సమయంలో చిన్నారిని యూనిట్ సభ్యులు చాలా జాగ్రత్తగా చూసుకొన్నట్టు సమాచారం.
సోషల్ మీడియాలో హల్చల్
ప్రపంచ వ్యాప్తంగా బాహుబలి ప్రభంజనం సృష్టిస్తున్న నేపథ్యంలో ప్రభాస్కు సంబంధించిన ఫోటోలు సోషల్ మీడియాలో హల్చల్ చేస్తున్నాయి. బాలీవుడ్ అభిమానులకు తెలియని ఎన్నో విషయాలను కథనాల రూపంలో ప్రచురిస్తూ హడావిడి చేస్తున్నాయి. ఈ క్రమంలో ఓ చిన్నారిని ప్రభాస్ ఎత్తుకొన్న ఫోటో ప్రస్తుతం సోషల్ మీడియాలో హల్ చేస్తున్నది. ప్రభాస్ చేతిలో ఉన్నది అక్షిత అని, ఐదేళ్ల వయసులో ప్రస్తుతం ఇలా కనిపిస్తున్నదనే ప్రచారం జరుగుతున్నది.
ప్రభాస్కు చిన్నపిల్లంటే ఇష్టమట..
ఇదిలా ఉండగా, బాహుబలి ప్రభాస్కు చిన్న పిల్లలంటే చాలా ఇష్టమట. పిల్లలతో కలిసి ఉండటమంటే చెప్పలేని ఆసక్తిని కనబరుస్తాడని ఆయన సన్నిహితులు చెప్తుంటారు. పిల్లలను ముద్దు చేస్తూ తాను పసిపిల్లాడిలా మారిపోతుంటారని వినికిడి. అంతేకాకుండా ప్రభాస్ పక్షి ప్రేమికుడనే విషయం ఇటీవల ఓ ఇంటర్వ్యూలో తెలిసింది.
1500 కోట్ల వైపు పరుగులు
ప్రపంచవ్యాప్తంగా బాహుబలి2 హవా కొనసాగడం, కేవలం పది రోజుల్లోనే ఆ చిత్రం రూ.1000 కోట్ల క్లబ్లో చేరి చరిత్రను తిరగరాసిన సంగతి తెలిసిందే. ఇదే ఊపు కొనసాగితే బాహుబలి2 సినిమా రూ.1500 కోట్లకు సునాయసంగా చేరుతుందనే మాట బలంగా వినిపిస్తున్నది.