హోమ్

గాసిప్స్

ప్రభాస్

దర్శకుడు రాజమౌళి, సినీ నిర్మాణ సంస్థ ఆర్కా మీడియా వర్క్స్ సంయుక్తంగా 'రిలీజ్‌డే.కామ్' అనే వెబ్‌సైట్‌ను ప్రారంభించిన సంగతి తెలిసిందే. సినిమా రంగంలోనే ఓ వినూత్న ప్రయత్నంగా యావత్ప్రపంచంలోని భారతీయ వెండితెర అభిమానుల కోసం నెలకొల్పిన అత్యాధునిక నిరంతర సినీ ప్రవాహవాణిగా దీన్ని వారు అభివర్ణించారు. "అత్యున్నత ప్రమాణాలతో అలరిస్తున్న ఆన్‌లైన్ వాణిజ్య పరిశ్రమలోకి శరవేంగా దూసుకెళుతూ ప్రపంచవ్యాప్తంగా నిరంతరం పెరిగే సినిమా వీక్షకుల్నీ, అభిమానుల్నీ అలరించడమే రిలీజ్‌డే.కామ్ ప్రధాన లక్ష్యం.

పలు ప్రపంచదేశ మార్కెట్లలో తెలుగు సినిమా విడుదల, ప్రదర్శన ఊహించిన స్థాయిలో జరగడం లేదు. ఈ సమస్యే రిలీజ్.కామ్‌కు అంకురార్పణ చేసి, ఒరిజినల్ కంటెంట్ తాలూకు డిమాండ్, సప్లయ్ నడుమ వారధిగా మారనుంది. తమ సినిమాని ఏ ప్రాంతాల్లో ప్రదర్శించాలో అనే విషయం మొదలుకొని ఆ ప్రదర్శనకు ఎంత చార్జీ వసూలు చేయాలనే విషయం వరకు అన్నీ ఇమడి ఉన్న పరిపూర్ణ అధికారాన్ని నిర్మాతలకు ఇవ్వడం ఈ వెబ్‌సైట్ ఏర్పాటు ప్రధానాంశం. ఈ నిరంతర ప్రసార మాధ్యమాన్ని రోబస్ టెక్నాలజీలో దృఢమైన యాంటీ పైరసీ అంశాలతో, పూర్తి పారదర్శకతతో అటు నిర్మాతలకీ, ఇటు వినియోగదారులకీ పరస్పరం లాభదాయకంగా ఉండే రీతిలో దీన్ని తయారు చేశాం'' అని వారు వివరించారు.

ఇక రాజమౌళి ఎంతో ప్రతిష్టాత్మాకంగా తీస్తున్న సినిమా 'బాహుబలి'. ఈ సినిమాలో మరో నటి రమ్యకృష్ణ కూడా నటిస్తోంది. ఈ సినిమాలో రమ్యకృష్ణ ప్రభాస్, రానాల తల్లిగా నటించి మెప్పించనుంది. తన సిని కెరీర్ లో ఎన్నో పాత్రల్లో నటించి అందరిని మెప్పించిన తను రాజసం ఉట్టిపడే ఈ పాత్రకి సరైన న్యాయం చేస్తుందని అందరూ బావిస్తున్నారు. ప్రభాస్ హీరోగా అనుష్క హీరోయిన్ గా ఈ సినిమాలో రానా విలన్ గా కనిపించనున్నాడు. ఆర్క మీడియా బ్యానర్ వారు భారీ బడ్జెట్ తో నిర్మిస్తున్న ఈ సినిమాకి ఎం.ఎం. కీరవాణి సంగీతాన్ని అందిస్తున్నాడు.