బాలయ్య సినిమా ఆగిపోవడానికి... ఏపీలో వైఎస్ జగన్ గెలుపుకు లింకు?

సినిమాలో విలన్ క్యారెక్టర్లు వారిని ఉద్దేశించా?

ఈ చిత్రంలోని విలన్ క్యారెక్టర్లు రియల్ లైఫ్‌లో వైఎస్ రాజారెడ్డి, వైఎస్ జగన్‌ను పోలి అసాధారణంగా ఉంటాయని టాక్. విలన్ పాత్రలో జగపతి బాబు ద్విపాత్రాభినయం చేయబోతున్నారని తెలుస్తోంది. అయితే ఏపీలో తాజా ఎన్నికల ఫలితాల్లో వైఎస్ జగన్ పార్టీ క్లీన్ స్వీప్ చేయడంతో దర్శక నిర్మాతలు స్రిప్టు మార్చాలనే నిర్ణయం తీసుకున్నారట.

స్క్రిప్టులో మార్పులు?

సినిమా స్క్రిప్టులో మార్పులు చేయడానికి చాలా సమయం తీసుకోనున్న నేపథ్యంలో త్వరలో ప్రారంభం కాబోతున్న షూటింగ్ పిలిపివేసినట్లుగా ప్రచారం జరుగుతోంది. అయితే ఈ విషయమై చిత్ర బృందం నుంచి ఎలాంటి అఫీషియల్ సమాచారం లేదు.

మూవీ స్టోరీలో కీలక మార్పులు?

సినిమాలో విలన్ క్యారెక్టర్ చాలా స్ట్రాంగ్‌గా డిజైన్ చేశారని... ఈ మార్పులతో కథ పూర్తిగా మారిపోయే అవకాశం ఉండటంతో... అలా జరుగకుండా విలన్ పాత్రలు మరో రకంగా డిజైన్ చేసేందుకు సన్నాహాలు చేస్తున్నారట. మరి ఈ వార్తల్లో నిజం ఎంత? అనే విషయమై క్లారిటీ రావాల్సి ఉంది.

రంగంలోకి బోయపాటి

కెఎస్ రవికుమార్ దర్శకత్వంలో బాలయ్య చేసే ఈ సినిమా ఆలస్యం అయితే రంగంలోకి బోయపాటి దిగుతారని టాక్. బాలయ్యతో సినిమా చేయడానికి ఈ మాస్ డైరెక్టర్ వెయిట్ చేస్తన్న సంగతి తెలిసిందే. ఈ విషయమై త్వరలోనే ఓ క్లారిటీ వచ్చే అవకాశం ఉంది.