హోమ్

గాసిప్స్

ప్రముఖ దర్శకుడు బాపు దర్శకత్వంలో బాలకృష్ణ ప్రధానపాత్రలో శ్రీరామరాజ్యం అనే చిత్రం అక్టోబర్ 30న ప్రారంభం అవుతుందనే వార్త అన్ని చోట్ల వచ్చిన సంగతి తెలిసిందే. అయితే ఇప్పుడా ముహూర్తం వాయిదా పడినట్లు తెలుస్తోంది. అయోద్య తీర్పు నేపధ్యంలో ఈ ప్రారంభాన్ని ఓ వారం రోజులకు వాయిదా వేయటానికి నిర్ణయం తీసుకున్నారు.

ఇక అయోధ్యలోని వివాదాస్పద భూమిపై యాజమాన్య హక్కు ఎవరిదో అలహాబాద్ హైకోర్టు లక్నో బెంచ్ తీర్పు చెప్పేందుకు మార్గం సుగమమైంది. తీర్పు వెలువరించేందుకు సుప్రీంకోర్టు గ్రీన్ సిగ్నల్ ఇచ్చింది. గురువారం మధ్యాహ్నం 3.30 గంటలకు ధర్మాసనం తీర్పు చెబుతుంది.

అలాగే 'శ్రీరామరాజ్యం'లో బాలకృష్ణ రామునిగా నటించబోతుంటే, సీత పాత్రను నయనతార చేయబోతున్నారు.ఇటీవలే స్పెషల్ ఎఫెక్ట్స్‌లో జాతీయ అవార్డు సాధించిన కమల్ కణ్ణన్ ఈ చిత్రానికి గ్రాఫిక్స్ సమకూర్చనున్నారు. మిగతా తారాగణం ఎంపిక జరుగుతున్న ఈ చిత్రానికి సినిమాటోగ్రఫీ: పి.ఆర్.కె. రాజు, కూర్పు: జి.జి. కృష్ణారావు, కళ: రవీంద్ర, కో-ఆర్డినేటర్: సి. ద్వారకానాథ్‌బాబు, ప్రొడక్షన్ ఎగ్జిక్యూటివ్: తాండవ కృష్ణ.