అభిజీత్ కూడా స్టార్ట్ చేయబోతున్నాడు.. వరుసగా మూడు సినిమాలు

Bigg Boss Telugu 4 : Abhijeet క్రేజ్ నిలుపుకుంటాడా? బిగ్ బాస్ వల్ల ఆ విజేతలకు ఒరిగింది ఏమిటి ?

అలంటిసినిమాలు చేస్తే బావుంటుంది

లైఫ్ ఈజ్ బ్యూటిఫుల్ సినిమాతో ఎంట్రీ ఇచ్చిన అభిజీత్ ఆ సినిమాలో చాలా కూల్ గా కనిపించి తనకంటూ ఒక ప్రత్యేక గుర్తింపును అయితే అందుకున్నాడు. అయితే ఆ తరువాత అతనికి తగ్గట్లు స్టోరీలు రాలేదు. అభిజీత్ తో ఎమోషనల్ లవ్ స్టోరీలు తెరకెక్కిస్తే బావుంటుందని నెటిజన్స్ అయితే బాగానే కామెంట్స్ చేస్తున్నారు.

అప్పుడే మొదలు పెట్టిన సోహెల్

ఇక అభిజీత్ కూడా తొందరపడకుండా కెరీర్ ను ఒక సరైన ట్రాక్ లోకి తెచ్చుకోవాలని అనుకుంటున్నాడు. అయితే బిగ్ బాస్ లో టాప్ 3 కంటెస్టెంట్ గా నిలిచిన సోహెల్ ఇప్పటికే తన మొదటి సినిమాను స్టార్ట్ చేశాడు. జార్జి రెడ్డి టీమ్ తో కలిసి అద్భుతమైన స్టోరీని సెట్ చేయించుకున్నట్లు టాక్ అయితే వస్తోంది, ఇక మెగాస్టార్ ఇచ్చిన మాట ప్రకారం గెస్ట్ రోల్ చేస్తే అతని దశ తిరిగినట్లే.

తొందరగా చేస్తేనే బెటర్

ఇక అభిజీత్ ఎలాంటి సినిమా చేయబోతున్నాడు అనేది హాట్ టాపిక్ గా మారింది. ఈ హడావుడిలోనే ఒక సినిమాను చేసి హిట్ కొడితే బావుంటుందనే కామెంట్స్ ఎక్కువగా వస్తున్నాయి. ఎందుకంటె గత సీజన్స్ లలో విన్నర్ గా నిలిచిన కంటెస్టెంట్స్ పెద్దగా బిజీ అయ్యింది లేదు. క్రేజ్ తగ్గిన తరువాత చేస్తే ఎలాంటి లాభం ఉండకపోవచ్చు. ఇక ఇప్పుడు అభిజీత్ ఎలాంటి అడుగులు వేస్తాడు అనేది ఆసక్తిగా మారింది.

వరుస మూడు సినిమాలు?

ఇక ఇండస్ట్రీలో వినిపిస్తున్న టాక్ ప్రకారం ఈ యువ హీరోకు ఆఫర్స్ అయితే బాగానే వస్తున్నాయట. వరుస ఇంటర్వ్యూలు ఇస్తున్నప్పటికీ కూడా అభి ఎక్కడా కూడా ఆ విషయాలను ప్రస్తావించలేదు. ఇక త్వరలోనే ఒక స్పెషల్ ఎనౌన్స్ మెంట్ ఉంటుందని టాక్. వరుసగా మూడు కథలను లైన్ లో పెట్టె ఛాన్స్ ఉన్నట్లు సమాచారం. వీలైనంత వరకు అభిజీత్ తనకు సెట్టయ్యే కథలను మాత్రమే సెలెక్ట్ చేసుకోవాలని అనుకుంటున్నాడట. మరి అతనికి బాక్సాఫీస్ వద్ద ఎలాంటి రెస్పాన్స్ వస్తుందో చూడాలి.