ఫేక్ ఎక్కౌంట్ సమస్యలో దిల్ రాజు

అసలే ఓ ప్రక్క సినిమాలు వరసగా ఫెయిల్యూర్ అవుతూ టెన్షన్ లో ఉన్న దిల్ రాజుకి ఓ కొత్త తలనొప్పి వచ్చి పడింది. ఆయన పేరు మీద ఓ ఫేక్ ఎక్కౌంట్ ఒకటి ట్విట్టర్ లో ఓపెన్ చేసారు. దిల్ రాజుకు అస్సలు సంభందంలేని ఆ ఎక్కౌంట్ లో ఆయన పేరు మీద ఏ విషయాలు చెలామణి అవుతాయో అని భయపడుతున్నారని తెలుస్తోంది. ఇక దగ్గుపాటి రానా ఈ ఫేక్ ఎక్కౌంట్ విషయాన్ని తన ట్విట్టర్ లో తెలియచేస్తూ...దాన్ని దిల్ రాజు అనుకుని ఫాలో కావద్దని చెప్పారు. ఆ మధ్య త్రిషకు కూడూ ఇలాంటి ఫేక్ ఎక్కౌంట్ సమస్య ఎదురైన సంగతి గుర్తుండే ఉంటుంది. ఇక దిల్ రాజు ప్రస్తుతం ఎన్టీఆర్ తో బృందావనం, ప్రభాస్-దశరధ్ కాంబినేషన్ లో ఓ చిత్రం రూపొందిస్తున్నారు. రీసెంట్ గా ఆయన బ్యానర్ నుండి వచ్చిన రామ రామ కృష్ణ కృష్ణ చిత్రం డిజాస్టర్ టాక్ తెచ్చుకున్న సంగతి తెలిసిందే.