హోమ్

గాసిప్స్

కోలీవుడ్ చిత్ర పరిశ్రమలో దర్శకుడు లోకేష్ కనగరాజ్ పేరు ఇప్పుడు హాట్ టాపిక్ గా మారుతొంది. విక్రమ్ సినిమాతో ఇటీవల సరికొత్త సెన్సేషన్ క్రియేట్ చేయడమే కాకుండా అతని ప్రత్యేకమైన యూనివర్స్ కూడా క్రియేట్ చేసుకోవడం హాట్ టాపిక్ గా మారింది. అతను క్రియేట్ చేసిన పాత్రలతో రాబోయే పదేళ్ల కాలంలో మరిన్ని డిఫరెంట్ సినిమాలను తెరపైకి తీసుకురాబోతున్నాడు. ఇప్పటికే విక్రమ్ సినిమాలో అతను ప్రముఖ హీరోలను చూపించిన విధానం ఎంతగానో ఆకట్టుకుంటుంది.

కమలహాసన్ తో పాటు విజయ సేతుపతి అలాగే ఫహద్ ఫాజిల్ ఇద్దరినీ కూడా అద్భుతంగా చూపించాడు. అలాగే మరొక ఊహించని పాత్రలో రోలెక్స్ గా సూర్య కనిపించిన విషయం తెలిసిందే. విక్రమ్ సినిమాలో ఆ పాత్ర పవర్ఫుల్గా వర్కౌట్ కావడంతో బాక్సాఫీస్ వద్ద మరిన్ని కలెక్షన్స్ అందుకోవడానికి ఉపయోగపడింది. అయితే ఇప్పుడు లోకేష్, విజయ్ ను హీరోగా పెట్టి మరో సినిమా చేయబోతున్నాడు.

ఇంతకుముందు వీరి కలయికలో మాస్టర్ సినిమా వచ్చిన విషయం తెలిసిందే. అయితే ఈ సినిమాలో కూడా విక్రమ్ తాలూకు సంబంధించిన కథను కూడా కలిపే అవకాశం ఉందట. అంటే ఆ సినిమాలోని పాత్రలు విజయ్ 67 వ సినిమాలో కూడా కనిపించే ఛాన్స్ ఉన్నట్లుగా తెలుస్తోంది.

అయితే అవన్నీ ఒక తరహాలో ఉంటే రోలెక్స్ పాత్రతో దర్శకుడు లోకేష్ మరో కొత్త తరహా కథను కూడా రెడీ చేసుకున్నట్లుగా తెలుస్తోంది. అతన్ని మెయిన్ హీరోగా పెట్టి మరొక పవర్ఫుల్ కథను తెరపై తీసుకువచ్చే అవకాశం ఉందట. విజయ్ సినిమా తర్వాత రోలెక్స్ పాత్రను హైలెట్ చేస్తూ హై బడ్జెట్లో మరో యాక్షన్ మూవీ ని తెరకెక్కించే ఛాన్స్ ఉన్నట్లుగా ప్రస్తుతం కోలీవుడ్ మీడియాలో కథనాలు వస్తున్నాయి.

అంతేకాకుండా రాబోయే రోజుల్లో ఈ దర్శకుడు మరిన్ని కొత్త తరహా క్యారెక్టర్స్ ను కూడా సృష్టించబోతున్నట్లుగా తెలుస్తోంది. అందులో సంజయ్ దత్ కూడా ఉంటాడని సమాచారం. ఇక తెలుగు హీరోలపై కూడా అతను ఫోకస్ చేసినట్లుగా తెలుస్తోంది. మరి రాబోయే రోజుల్లో లోకేష్ బాక్సాఫీస్ వద్ద ఎలాంటి రికార్డులను క్రియేట్ చేస్తాడో చూడాలి.