బాలయ్య ‘గౌతమీపుత్ర శాతకర్ణి’:ఆశ్చర్యపరిచే విషయాలు, 99లో 17 అవే

By Srikanya

Published: Monday, April 11, 2016, 9:21 [IST]

హైదరాబాద్ : నందమూరి బాలకృష్ణ హీరోగా నటించనున్న వందో చిత్రం 'గౌతమీ పుత్రశాతకర్ణి'. క్రిష్‌ దర్శకత్వం వహిస్తారు. వై.రాజీవ్‌రెడ్డి, సాయిబాబు జాగర్లమూడి నిర్మాతలు. బిబో శ్రీనివాస్‌ సమర్పిస్తున్నారు. ఉగాది పండుగను పురస్కరించుకొని ఈ చిత్రాన్ని ఆంధ్ర ప్రదేశ్‌ రాజధాని అమరావతిలో ప్రకటించారు. ఈ చిత్రం గురించి కొన్ని విషయాలు మీకు అందిస్తున్నాం.

అందులో మొదటిది బాలయ్య ద్విపాత్రాభినయం. బాలకృష్ణ కు ద్విపాత్రాభినయం కొత్తేమి కాదు. ఆయన ఇప్పటికి తను నటించిన 99 చిత్రాల్లో 17 చిత్రాలు ద్విపాత్రాభినయం చేసారు. ఇప్పుడు మరోసారి ఆయన ద్విపాత్రాభినయం చేయనున్నట్లు తెలుస్తోంది. అందుతున్న సమాచారం ప్రకారం బాలయ్య తన వందో చిత్రంలో ద్విపాత్రాభినయం చేసి మెప్పించనున్నారు.

ఈ చిత్రంలో ఈ జనరేషన్ కు చెందిన వ్యక్తిగానూ, శాతవాహన సామ్రాజ్యాన్ని ఏలిన గౌతమి పుత్ర శాతకర్ణిగా ఆయన ద్విపాత్రాభినయం చేసి మెప్పించనున్నారు. అలాగే ఈ చిత్రంలో కంచెలో లాగానే ప్రస్తుతం సమాజంలో జరుగుతున్న కొన్ని కాంటంపరరీ ఇష్యూలను సినిమాలో చర్చించనున్నట్లు తెలుస్తోంది.

ఈ సినిమా గౌతమి పుత్ర శాతకర్ణి నాటికి, ఇప్పటి కాలానికి మధ్య జరుగుతుంది. ఆ కాలానికి ఈ కాలానికి మధ్య వ్యత్యాసం చూపుతుంది. చివర్లో మళ్లీ ఆ నాటి రోజులు రాబోతున్నాయని హింట్ ఇస్తారు.

కాబట్టి ఇక్కడ మనికి అర్దం అయ్యేది ఏమిటీ అంటే గౌతమి పుత్ర శాతకర్ణి అనేది రెగ్యులర్ హిస్టారికల్ డ్రామా మాత్రం కాదు. ఈ సినిమాలో స్ట్రాంగ్ మెసేజ్ ఈ కాలం యువతకు కావాల్సిన కొన్ని అంశాలు కలగలపి ఉంటాయి.

ఉగాది రోజు లాంచ్ అయిన ఈ చిత్రం ఈ నెల 22 నుంచి రెగ్యులర్ షూటింగ్ జరుపుకోనుంది. దాదాపు 70 కోట్ల బడ్జెట్ తో భారీ ఎత్తున బాలకృష్ణ కెరీర్ లోనే నిలిచిపోయే చిత్రంగా రూపొందింస్తారు. సంక్రాంతి 2017 న ఈ చిత్రాన్ని విడుదల చేయాలని నిర్ణయించుకున్నట్లు సమాచారం.

ఇప్పటివరకూ వచ్చిన బాలయ్య..డ్యూయి ల్ రోల్ మూవీస్ స్లైడ్ షోలో