సాయిధరమ్ తేజ్, కరుణాకరన్ సినిమా టైటిల్ భలేగా ఉందే!

సాయిధరమ్ తేజ్ ప్రస్తుతం కరుణాకరన్ దర్శకత్వంలో నటిస్తున్న సంగతి తెలిసిందే. ఇటీవల సాయిధరమ్ తేజ్ కు వరుసగా పరాజయాలు ఎదురయ్యాయి. దీనితో ఈ మెగా హీరో ప్రేమ కథల స్పెషలిస్ట్ కరుణాకరన్ పైనే ఆశలు పెట్టుకుని ఉన్నాడు. ఈ చిత్ర షూటింగ్ శరవేగంగా జరుగుతోంది. సాయిధరమ్ తేజ్ చివరగా ఇంటెలిజెంట్ చిత్రంతో ప్రేక్షకుల ముందుకు వచ్చాడు. కరుణాకరన్, తేజు చిత్రానికి సంబంధించి పలు రకాల టైటిల్స్ ఆ మధ్యన సోషల్ మీడియాలో చక్కర్లు కొట్టాయి.

Recommended Video

తాజగా ఈ చిత్రానికి ఆసక్తికరమైన టైటిల్ ని ఫిక్స్ చేయబోతున్నట్లు తెలుస్తోంది. 'తేజ్ ది కూడా ఓ మంచి ప్రేమ కథ' అనే టైటిల్ అనుకుంటున్నట్లు వార్తలు వస్తున్నాయి. ఈ టైటిల్ చాలా బావుందని కామెంట్లు వినిపిస్తున్నాయి. పూర్తి స్థాయి ప్రేమ కథా చిత్రంగా దీనిని కరుణాకరన్ తెరకెక్కించబోతున్నారు.

మలయాళీ భామ అనుపమ పరమేశ్వరన్ ఈ చిత్రంలో హీరోయిన్ గా నటిస్తోంది. కెఎస్ రామారావు ఈ చిత్రాన్ని నిర్మిస్తున్నారు. ప్రేకకథలతో మాయ చేసే కరుణాకరన్ కూడా హిట్ కోసం ఎదురుచూస్తునాడు. సాయిధరమ్ తేజ్, అనుపమ జోడి పై అభిమానుల్లో మంచి అంచనాలు ఉన్నాయి.